Komiso shfryn vrer: Arbitrat, favore të fëlliqura Juves
Replikon çeku: Komiso t'i fusë një çaj, duam respekt
Dhe të mendosh se është një tifoz i Ju ventusit, por fakti që bleu Fiorentinën e detyroi që të hiqte dorë nga "feja" e tij bardhezi, aq sa pasi zbarkoi në Firence, gjëja e parë që bëri ishte ajo e të shpalosurit shallin vjollcë në të cilin shkruhej "Juve m...". Gjithsesi, shpërthimi i djeshëm, pas humbjes 3-0 të skuadrës së tij në Torino, tonet e numrit një të klubit nga Firencja ishin të rënda. "Jam thellësisht i neveritur. Unë mendoj se një skuadër që paguan 350 milionë rroga në sezon nuk ka nevojë për arbitrat. Juvja është shumë e fortë, prandaj lëreni që t'i fitojë ndeshjet në fushë, jo sepse arbitrat u bëjnë dhurata atyre. Futbolli italian transmetohet në çdo cep të globit, prandaj mos lejoni më që të shihen këto fëlliqësira në fushë. Ndeshjet në Itali vendosen nga arbitrat dhe nuk mund të ecet më përpara në këtë mënyrë. Kundër Xhenoas na mohuan një penallti, me Interin gjithashtu na mohuan një penallti tjetër, ndërsa me Juven na akorduan dy penallti kundër. Ndoshta, penalltia e parë ishte e saktë, por e dyta absolutisht jo. Nëse penalltia është e qartë, nuk ka nevojë që të shihet në
VAR, por gjatë rrugës që arbitri bëri deri te monitori e ndryshoi vendimin rrugës. Pikërisht kjo ndodhi, jam i sigurt. Por tani mjaft më", vazhdon Komiso me irritimin e tij.
NEDVED PËRGJIGJET -
Gjithsesi, reagimi i Pavel Nedvedit nuk mund të mungonte dhe ishte po aq i ashpër, një ironi pikante ndaj miliarderit italo-amerikan. "Tani jemi lodhur me këto deklarata, meritojmë respekt. Mjaft kërkuat alibi, sa herë që luani kundër Juventusit. Asnjë s'e pranon humbjen ndaj nesh. Ne fitojmë me meritë dhe vetëm në fushë. Prandaj, mjaft folëm për arbitrat dhe gjëra të tjera. Madje, të gjithë tani e në vazhdim duhet të bëjnë kujdes me fjalët që lëshojnë, sidomos nga ato të
Komisos, pasi kështu rrezikojmë që të largojmë njerëzit nga stadiumet. Ne fituam me meritë me Fiorentinën, prandaj përpara se Komiso vendos të përdorë të tilla fraza kaq të forta, bën mirë që të pijë një çaj përpara dhe të qetësohet... Ne jemi të lumtur për këto tri pikë dhe ndaj Fiorentinës ishte fitoja e Sarrit, pasi po përdor çdo lojtar që kemi dhe nga Kosta, te Rabio e të tjerët po tregojnë një rritje të rëndësishme për vazhdimin e sezonit", u shpreh Nedved. Por, pasi kishte mësuar për thumbin e ardhur nga zëvendëspresidenti bardhezi, Roko Komiso nuk ngurroi që t'i përgjigjej numrit dy të klubit juventin. "Nedved tha që t'i fus një çaj? Më mirë ta pijë ai... Nedved ta mbyllë gojën dhe të mos flasë asnjë germë për mua. Unë nuk flas për Nedvedin, por nëse do të kem diçka për të folur, do t'ia them presidentit të tij, askujt tjetër", deklaroi presidenti vjollcë.