Myler: Sherri Boateng-Gorecka, të motivuar prej një dreke falas

Tomas Myler komentoi për "Sky" pas fitores ndaj Maincit sherrin mes Zherom Boatengut dhe Leon Goreckës gjatë javës në seancën stërvitore, ku mbrojtësi u konfrontua fizikisht me shokun e skuadrës. Pavarësisht se ata sqaruan pak çaste pas incidentit se nuk ishte asgjë serioze mes tyre, edhe pas triumfit 3-1 ndaj Maincit, tema më interesin më të madh për gazetarët ishte pikërisht ajo që ndodhi gjatë javës në "Säbener Strasse" dhe sulmuesi zbulon diçka më shumë: "Trajneri erdhi me një ide të veçantë dhe ku ne do të organizonim një turne, madje kishim edhe gjyqtar ekstra, të jashtëm. Kishte katër ekipe dhe në fund fitohej një çmim për skuadrën fituese: një kupon për çdo futbollist të ekipit fitues për një vakt në një restorant me të vërtetë të mirë. Motivimi ishte i lartë. Në ndeshjen e kthimit të finales kishte një situatë që i nxehu pak gjakrat prej një vendimi të arbitrit nga ndeshja e parë. I pamë fotot dhe reagimi ishte gjithashtu njerëzor nga të dyja drejtimet, por unë besoj se Zherom dhe Leon e kanë kuptuar dhe zgjidhur gjithçka mes tyre". Megjithatë, Myler thotë se kjo nuk është hera e parë që kemi parë incidente të tilla te Bajerni: "Sigurisht që nuk duam të shohim gjëra të tilla, por mendoj se diçka e tillë ka ndodhur në të gjitha skuadrat e mëdha, me Lotar Mateusin dhe Lizarazunë, me Finkun dhe Kufurin dhe ndonjë tjetër që nuk më kujtohet". Edhe Gorecka u ndal të fliste për incidentin, por tha se dreka e famshme në restorant nuk kishte lidhje me motivimin e tij: "Reagova shpejtë në 'Instagram', sepse mendoj se 20 sekonda pas asaj situate na erdhi të dyve turp. Ne e kaluam gjithçka që në fushë, por ajo nuk duhet të ndodhë, edhe pse nuk ishte diçka e madhe në fakt".