Bajerni, kualifikim me dorë në zemër
Shkëlqen vetëm Levandovski, miqtë për pak nuk surprizuan
Bajerni i Mynihut u kualifikua mes vësh tirësive në raundin e ¼-ave të Kupës së Gjermanisë. Skuadra e Flik edhe pse ishte në avantazh të dy golave për pjesën më të madhe të ndeshjes, në fund rrezikoi kualifikimin edhe pse ndeshja do të shkonte me shtesë.
NDESHJA - Ishte skuadra e Hofenhaimit ajo që shënoi e para në minutën e 8-të pas një devijimi të Boateng. Mbrojtësi bavarez në tentativë për të ndalur një top në zonë, e goditi atë në portën e Manuel Nojerit që nuk kishte asnjë mundësi për të reaguar. Por Bajerni u përgjigj menjëherë dhe sërish ishte një devijim i mbrojtësit mik, Hubner, që solli golin e barazimit në të 13’. Pas këtij momenti bavarezët morën kontrollin e ndeshjes dhe nisën sulmet drejt skuadrës kundërshtare. Në të 20’, Tomas Myler shënon pas një topi të gjatë të David Alabasë. Gjermani gjen saktë kohën duke ndalur topin në rrjetë. Miqtë u munduan të reagonin por pa sukses, Levandovski në të 36-ën shënoi edhe golin e tretë për skuadrën e Bajernit. Polaku përfitoi nga një dalje e gabuar e portierit Pentke duke goditur saktë me kokë në portën e boshatisur. Pjesa e parë u mbyll me rezultatin 3-1 për Bajernin.
PJESA E DYTË - Ishte Levandovski ai që kishte mundësinë më të mirë për të shënuar golin e katërt por portieri mik bëri mrekullinë. Në të 54’ Nordvait mund të ngushtonte diferencat, por gjuajtja e tij kaloi pranë shtyllës së Nojerit. Ky i fundit bëri një tjetër pritje
decizive pak minuta më vonë pas një gjuajtjeje nga distanca të Zuber. Bajerni uli disi ritmin në krahasim nga pjesa e parë, pasi me mendje ishte pa dyshim në sfidën e radhës në kampionat, aty ku mysafire do të vijë skuadra e Lajpcigut. Por në të 80’ Levandovski shënoi edhe golin e katërt dhe të sigurisë
për skuadrën e Bajernit. Polaku kërcen më shumë nga të gjithë duke dërguar topin në rrjetë. Miqtë u kundërpërgjigjën menjëherë duke shënuar golin e dytë me anë të Dabur në të 82’. Ndeshja hyri në një fazë interesante atëherë kur të gjithë menduan se loja shkoi në favor të kampionëve të Gjermanisë,
Hofenhaim shënoi edhe golin e tretë në minutën e 2-të shtesë me autor Dabur. Por lehtësimi për tifozët e Bajernit erdhi vetëm pas vërshëllimës së fundit të arbitrit Shtegeman. Bavarezët u kualifikuan për në fazën e çerekfinaleve pas një ndeshjeje dramatike në shtëpi.