Rrezikon ulje pikësh, Federata frikëson Sitin
Kampionëve nuk u lejohet hap fals në sfidën me Këlnin
Skuadra e Lajpcigut është rikthyer të fitojë në Bundesligë pas një humbjeje dhe dy barazimeve radhazi. Skuadra e Julian Nagelsmanit mundi 3-0 në shtëpi ekipin e Verder Bremenit dhe mori përkohësisht kryesimin e Bundesligës, në pritje të ndeshjes së sotme midis Bajernit dhe Këlnit. Për momentin, Lajpcig ka dy pikë më shumë se skuadra bavareze. NDESHJA
Ndeshja foli vetëm për skuadrën e "Red Bull"-it, e cila ushtroi presion të lartë në gjysmëfushën e kundërshtarit. Goli i parë u shënua në minutën e 18-të me anë të Lukas Klosterman, pas një rrëmuje në zonë. Patrik Shik shënoi golin e dytë në fund të pjesës së parë, duke dyfishuar rezultatin për vendësit. Pjesa e dytë foli sërish për Lajpcigin, që shënoi edhe golin e tretë vetëm 1 minutë pasi kishte nisur pjesa e dytë, duke marrë kështu një trepikësh të rëndësishëm në luftën për titullin kampion.
BAJERNI NËN PRESION - Pa dyshim që të gjithë sytë do të jenë të përqendruar në Këln, aty ku bavarezët do të ndeshen me skuadrën që renditet e 14-ta në tabelën e renditjes. Por ajo që i shqetëson kampionët në fuqi është forma e mirë që po kalon skuadra e ardhur nga Bundesliga e Dytë. Rivaliteti midis dy ekipeve ka qenë gjithmonë i zjarrtë, edhe pse Bajerni ka fituar më shumë ndeshje në sfidat direkte. Trajneri Hansi
Flik deklaroi të premten se skuadra e tij nuk do të ndalej më pas barazimit të marrë në javën e kaluar, ndaj skuadrës së Lajpcigut në "Allianz Arena". "Ishte një rezultat surprizë për ne, por lojtarët janë treguar të gatshëm për ta hedhur atë pas shpatullave dhe për të marrë maksimumin në ndeshjen e ardhshme. Jemi Bajerni
dhe objektivi ynë është vetëm trepikëshi", tha Flik. Ndërkohë, një hap fals ndaj një skuadre që lufton për të mos rënë nga kategoria do të thoshte një komplikim i pozitave në renditje. Kujtojmë që me fitoren e Dortmundit ndaj Frankfurtit, verdhezinjtë kanë hyrë seriozisht në garë për të fituar kampionatin.