NOTAT BARCELONA
TER SHTEGEN 6,5 - Pa faj në golin e pësuar nga Getafe. Ndërhyrja që bën në pjesën e dytë duhet parë dhe riparë për t’u kuptuar që ishte e jashtëzakonshme.
SERXHI ROBERTO 6,5 - I zoti për të kuptuar aksionin e golit dhe për t’u gjetur i gatshëm në portën kundërshtare. Në pjesën e dytë shpërdoron disa topa në sulm.
PIKE 6,5 - Ofron siguri në qendër të mbrojtjes. Dhjetë minuta nga fundi bën një mbyllje perfekte ndaj Haime Matës.
UMTITI 6,5 - Është protagonist i episodit të VAR-it, i cili pëson faull dhe anulohet goli i kundërshtarëve. Nga këmbët e tij lind aksioni i golit të Grizmanit.
ALBA 6 - I pafat. Del nga fusha për një problem në kofshë (Nga
22’ Xhunior 7 - Futet i ftohtë në fushë, por bëhet protagonist i ndeshjes duke dhënë asistin e golit të dytë).
DE JONG 6 - Nuk shfaqet kurrë në zonën kundërshtare, por punon mirë në linjën e mesfushorëve. Kur Getafe i bën presion, detyrohet që të largojë topin.
BUSKETS 7 - I vetmi gabim i tiji solli rrezik të madh në portën e Ter Shtegenit, por për pjesën tjetër është fantastik. Tjetër ndeshje e madhe e mesfushorit spanjoll. ARTUR 6 - Nuk lë gjurmë, por puna e tij ishte e rëndësishme për ekipin. (Nga 75’ Rakitiç Pa notë). ANSU FATI 7 - Që në start u tregon kundërshtarëve se me çfarë “brumi” është gatuar. Edhe pse i ri, duket sikur mbi shpatulla ka shumë eksperiencë. I afrohet golit, por pa fat. (Nga 84’ Vidal - Pa notë). MESI 7,5 - Ndeshja e katërt radhazi pa gol në kampionat, por “Pleshti” e justifikon këtë me asistimet. Ishte i gjashti radhazi në kampionat. Gjithmonë i rëndësishëm për Barcelonën. GRIZMAN 7 - Goli ishte magjik, por asgjë më tepër për francezin. Humbet dy raste të sigurta për gol. TRAJNERI SETIEN 6,5 Skuadra vuan, por merr 3 pikë të rëndësishme. Ndaj Getafes nuk ishte e lehtë dhe ai e di se ku duhet të përmirësohet.