Gjithçka në 99 ditë, Pioli sfidon fatin dhe... kolegët
Trajner me afat, Alegri e Spaleti e kërcënojnë
100 ditë kohë ose 99 për të qenë më të saktë. Ky është afati në të cilin Stefano Pioli do të marrë informacion të plotë rreth të ardhmes së tij në stolin kuqezi. Kontrata i skadon në fund të sezonit 20202021, por ai e di më së miri se bashkëpunimi do të vazhdojë vetëm nëse e mbyll vitin me Milanin, duke arritur diçka të jashtëzakonshme. Një vend në Champions do të ishte perfeksion, por edhe Liga e Europës mund ta shpëtojë 54vjeçarin. Tekniku do të kishte si qershi mbi tortë fitoren e Kupës së Italisë, por gjithçka është komplikuar në mënyrë të rëndë pas barazimit të së enjtes sepse në atë takim Milani humbi për shkak kartonësh edhe tre lojtarë (Ibrahimoviç, Teo e Kastijeho) të cilët do të mungojnë në ndeshjen e kthimit ndaj Juves më 4 mars. Një renditje mes gjashtë të parave nuk do t'i garantonte vijimësinë e punës, teksa përfundimi i kampionatit mes të parave do të certifikonte sigurinë e vazhdimit të kontratës. Sidoqoftë, aktualisht, drejtuesit e Milanit janë të vetëdijshëm për cilësinë e punës së Piolit dhe janë të kënaqur me aq sa ka bërë deri më sot, sidomos nga janari e deri më sot. Pasi prekën fundin në ndeshjen kundër Atalantës, kuqezinjtë kanë ndryshuar kurs në mënyrë pozitive dhe as përmbysja e pësuar nga Interi nuk ndikoi në qetësinë e ambientit. Sigurisht një fitore do të kishte dhënë të tjera impulse, por reagimi ekipor i parë ndaj Juves në mesjavë i ka lënë të gjithë të kënaqur për hapin përpara në aspektin e karakterit. Zërat e merkatos do të nisin të shtohen, sidomos nëse Milani nuk konfirmon gjërat e mira e treguara na javët e fundit. Spaleti dhe Alegri janë dy hije që dita-ditës do ta shtojnë presionin mbi Piolin, i cili për të mbajtur vendin e punës ka 100 ditë kohë ose 99 për të qenë më të saktë.