Polemikat me arbitrimin, Duka: Gati VAR-i në Shqipëri
“Synojmë të implementojmë sistemin për sezonin 2021-2022, por duhet shumë kujdes”
Mbërritja e ekspertëve të FIFA-s dhe atyre të bordit ndërkombëtar për ligjet e lojës në Tiranë i ka hapur rrugën bashkëpunimit për implementimin e sistemit VAR në kampionatin shqiptar. Në takimin e zhvilluar dje me grupin e punës enkas për këtë projekt, merrte pjesë edhe presidenti i FSHF-së Armand Duka. Ky i fundit, në fjalimin para zyrtarëve ...
Mbërritja e ek spertëve të FIFAs dhe atyre të bordit ndërkombëtar për ligjet e lojës në Tiranë i ka hapur rrugën bashkëpunimit për implementimin e sistemit VAR në kampionatin shqiptar. Në takimin e zhvilluar dje me grupin e punës enkas për këtë projekt, merrte pjesë edhe presidenti i FSHFsë Armand Duka. Ky i fundit, në fjalimin para zyrtarëve të FIFA-s, shprehu vullnetin e tij për ta implementuar këtë sistem në Kategorinë Superiore nga sezoni 2021-2022. Ai kërkoi ekspertizën e nevojshme për të rritur kapacitetet njerëzore dhe sugjeruar sistemin më të mirë që duhet implementuar.
DEKLARATA - “Jemi në këtë takim për sistemin VAR, pavarësisht se ka mendime të ndryshme. Ky është një vendim tashmë për t’u respektuar dhe për t’u zhvilluar. Si të gjithë vendet europiane që e kanë implementuar, ne kemi vendosur ta fillojmë këtë proces. Me përkrahjen tuaj, unë uroj që të bëjmë një sistem sa më të mirë, edhe pse është diçka e ndërlikuar. Nuk mendoj se VAR-i do të drejtojë lojën, sepse do të jenë përsëri arbitrat dhe kjo është shumë e rëndësishme që arbitri ta kuptojë që mbetet ai
që vendos. Teknologjia dhe sistemi VAR janë për ta ndihmuar arbitrin në vendimmarrjen e tij, por jo për të vendosur në fushë. Në fushën e lojës vendos vetëm arbitri. Ne duhet të jemi shumë të kujdesshëm, këtu e kam fjalën për pjesën tonë, në mënyrë që pas implementimit të sistemit, të mos bëjmë gabime trashanike që edhe ndodhin kur t’i nuk e përdor mirë atë informacion që të jep teknologjia. Përgatitja e kapaciteteve njerëzore është më e rëndësishme sesa dy-tri kamera apo dy-tri pajisje që vendosin vizat për pozicionin jashtë loje. Objektivi ynë është që ta fillojmë në sezonin 2021-2022. Unë mendoj se duhet ta fillojmë me një kategori dhe besoj se do të nisim me Superioren. Brenda një kampionati të jemi me dy standarde do të jetë e vështirë nëse e implementojnë në disa ndeshje, kështu që unë mendoj se duhet të arrijmë ta fillojmë në të gjithë kampionatin e Kategorisë Superiore në edicionin 20212022", është shprehur Duka gjatë seminarit të zhvilluar dje në një nga sallat e stadiumit “Air Albania”, ku merrnin pjesë edhe gjyqtarët e FIFA-s, Enea Jorgji, si dhe asistentët Denis Rexha e Ridigert Çokaj.