NOTAT E JUVES
SHEZNI 6 - Nuk ka faj në golin e pësuar. Por nuk duhet të bëjë asnjë pritje tjetër gjatë ndeshjes.
DANILO 5 - Në pjesën e parë Lioni pushton korsinë e tij, siç tregoi edhe rasti i golit të pësuar. Braziliani zgjohet në pjesën e dytë, kur shihet shpesh në sulm, por nuk mjafton.
DE LIGT 6 - Si pasardhësi i denjë i Kielinit, del nga fusha me një plagë të rëndë në kokë, moment në të cilin Juventusi pëson. Prova e tij ishte pozitive, ndonëse shpejtësia e Dembelesë e vuri në vështirësi.
BONUÇI 5.5 - Pak i saktë, por vazhdoi të këmbëngulte për pasimet e gjata. Në pjesën e dytë përmirësohet, por thjesht ishte jashtë ritmit normal që ka mësuar tifozët.
SANDRO 5.5 - Shumë keq në pjesën e parë, ku driblohet thuajse në çdo rast. Në të dytën shton vetëm pak më tepër grintë, por asgjë mahnitëse.
BENTANKUR 6 - Më shumë sesa të mbrojë, detyra e tij është që të mbështesë trion e sulmit, por pas daljes së Pjaniçit ka më shumë hapësirë veprimi dhe loja e tij nis të shkëlqejë.
PJANIÇ 4.5 - Imazhi i turbullt i dy muajve të fundit. Një gjysmëmasakër: i pasaktë, banal, i ngadaltë. Edhe 61 minuta ishin shumë për atë. Në të 61-ën Ramsej (nota 6), me uellsianin që i jep ritëm dhe kurajo ndeshjes, por i mungoi hapësira për të vënë në zbatim teknikën e tij.
RABIO 4 - Të gjesh një sinonim negativ për të përshkruar lojën e tij është e vështirë... Një thes me miliona që lëviz shumë keq në fushë: nuk mbron, nuk sulmon, nuk rrit ritmin, nuk driblon, nuk godet portën. Shkurt, nuk mund të luajë titullar në këtë Juventus. Në të 78-ën Bernardeski (pa
notë), me Federikon që bën po aq keq sa Rabio.
KUADRADO 5 - Një sozi e shëmtuar e ndeshjeve të fundit. Krosime të dobëta, nuk driblon asnjëherë kundërshtarin, shumë gabime. I kishte ardhur benzina në fund... Në të 70-ën Higuain (nota
5.5), me argjentinasin që gjeti në këmbët e tij rastin më të pastër për gol dhe e goditi më keq se ç'mundej. Gjithsesi, vuri në alarm mbrojtjen e Lionit, duke hapur linjat e zonës së rreptësisë.
DIBALA 6 - Nuk shkëlqeu, por u vu në shërbim të skuadrës. Në pjesën e dytë bëri gjithçka për të shënuar dhe për të vënë në dispozicion goli të tjerët, por nevojitej më shumë ligësi e ftohtësi nga Paulo.
RONALDO 5.5 - Aksionet më të rrezikshme të Juves nisin nga ai, por mjafton të shohësh goditjen e parë kur zbret në zonë, në pjesën e parë për të kuptuar se do të ishte një natë e errët për CR7-ën.
Trajneri SARRI 5 - Do të themi vetëm kaq: Alegri i kishte mësuar tifozët e Juves me mbrëmje të tjera europiane.