“Xixat” me Matuidin, Bonuçi bën thirrje për ribashkim
Kapiteni dhe mesfushori bënë paqe në stërvitje
"Sherri me Matuidin në nxehje? Unë i thashë vetëm që skuadër bën edhe ai që qëndron jashtë formacionit titullar. Ishte një ajër që nuk më pëlqente, mungonte ajo shkëndijë dhe ai përqendrim si te pankinarët, ashtu sikurse te disa që do të ishin titullar. Të bësh skuadër shërben të jesh i kujdesshëm dhe në këtë detaje të vogla, të cilat sidomos në Champions bëjnë diferencën". Me këto fjalë, Leonardo Bonuçi, sqaroi debatin e ashpër me Blez Matuidin, gjatë nxehjes, përpara sfidës me Lionin. Ky episod i kapur nga disa kamerave dhe që ka bërë dje xhiron e medias së shumë vendeve të ndryshme, ishte rrjedhojë e asaj që më pas pasqyroi edhe Juventusi në fushën e lojës dhe me të drejtë kapiteni i bardhezinjve kërkoi që ta vinte në pah dhe t'ia vinte në pah, duke bërë ndoshta shembull Matuidin, i cili dukej më i përqendruar për të bërë shaka dhe të shkaktonte të qeshura gjatë stërvitjes, sesa të përqendrohej. Gjithsesi, te Juventusi dinë sesi t'i zgjidhin gjërat dhe pa dyshim që pas konfrontimit dihet sesi të vendoset edhe paqja, ndonëse nuk është se ka pasur nevojë për të. Këtë e konfirmojnë edhe fjalët e postuara nga vetë Bonuçi, pas zbarkimit në Torino: "Të gjithë së bashku mundemi. Ka gjithmonë vend për konfrontim, por mbi të gjitha ka gjithmonë vend për përmirësim dhe ribashkim. Pasi e kemi ende në dorë fatin tonë. Duhet të qëndrojmë të bashkuar, pasi në javët e ardhshme mund t'i dhurojmë vetes shumë sodisfaksione". Mesa duket, fjalët e Bonuçit do jenë kuptua qartë edhe në seancën e djeshme stërvitore, duke qenë se edhe postimi i Paulo Dibalës, i shoqërua në foto nga
Blez Matuidi, duket se konfirmon lajmin e konfrontimit mes palëve, pas humbjes në Lion: "Të ringrihemi të gjithë bashkë dhe të luftojmë deri në sekondën e fundit për të përmbysur rezultatin". Ndërkohë, i bindur për përmbysjen ishte Huan Kuadrado: "Në shtepinë tonë, asgjë nuk është e pamundur".