Kristiano Ronaldo dhe Lionel Mesi, rivalë edhe në... porno
Dy më të kërkuarit në "Pornhub", në listë edhe Dibala
Sajti i filmave pornografikë "Pornhub" ka patur një bum klikimesh gjatë kohës së pandemisë. Ata kanë përpiluar edhe një listë të emrave më të kërkuar të futbollistëve gjatë vitit të shkuar dhe disa prej tyre janë me të vërtetë surprizë. Por nuk është i tillë emri në krye të këtij klasifikimi. Është Kristiano Ronaldo, i cili përveçse është një prej futbollistëve më të mirë në botë, konsiderohet edhe si një seks-simbol. Portugezi i Juventusit është një ikonë e modës dhe ka edhe një linjë të famshme të veshjeve intime që mban emrin e tij. Në vend të dytë futbollisti më i kërkuar gjatë vitit 2019 në sajtin e njohur pornografik është Lionel Mesi. Podin e plotëson sulmuesi i PSG-së, Mauro Ikardi, i cili me fizikun e tij plot tatuazhe dhe faktin që është burri i Vanda Narës, ka tërhequr jo pak vëmendje në shtypin rozë. Aleksis Sançez, sulmuesi kilian i Mançester Junajtid, renditet në vend të katërt, ndërsa pesëshen e parë e mbyll ylli i PSGsë, Kilië Mbape. Kampioni i botës është vetëm 21 vjeç, por ai me sa duket ka shumë admiruese femra dhe lë pas Paulo Dibalën. Sulmuesi i Juventusit është i treti argjentinas në këtë listë dhe i dyti futbollist i Juves. Reali përfaqësohet me Eden Hazardin dhe Karim Benzemanë. Në këtë klasifikim nuk mungojnë as Rahim Sterling, ylli i Mançester Sitit.
Dejvid Bekham, i cili renditet në vend të 10-të, është i vetmi emër që nuk është më aktiv. I konsideruar një ikonë e futbollit dhe seks-simbol, 45vjeçari i vari këpucët në gozhdë në 2013-ën, por mbetet një emër shumë i kërkuar në faqet e para të kopertinave.