Interi flet “gjermanisht”, pas Vernerit edhe Alaba
Në skadencë vitin tjetër, nisin kontaktet me "bavarezin"
Në vijën e horizon tit të merkatos së Interit është edhe Bundesliga. Ka lajme pozitive mbi Timo Vernerin, goleadorin e Lajpcigut që Interi ka përzgjedhur si zëvendësuesin ideal të Lautaro Martinezit. Ndërkohë që krerët interistë me në krye administratorin Xhuzepe Marota kanë përcaktuar kushtet e negociatës me Barcelonën, njëkohësisht qëndrojnë në kontakt edhe me përfaqësuesit e sulmuesit.
KLAUZOLA - Në këtë situatë, më shumë se çdo gjë tjetër, peshojnë fjalët e lojtarit dhe të menaxherit të tij KarlHainc Forster (ish-mbrojtës i Gjermanisë në vitet '80). Ka qenë ky i fundit që ka përcaktuar me Lajpcigun një klauzolë të menduar, me disa pika. Më e rëndësishmja? Çmimi i ndryshueshëm, që vlen gjithmonë brenda 15 qershorit. Gjatë javëve të kaluara ishte përfolur për një kosto prej 60 milionësh, por në rast fitoreje të titullit. Në fakt, kjo shumë ishte e vërtetë, duke konsideruar pozicionin në klasifikim të skuadrës së Julian Nagelsmanit, kryesuese e Bundesligës për një kohë të gjatë. Me fillimin e vitit, megjithatë, Bajerni ka përmbysur renditjen dhe bavarezët tashmë ndodhen 5 pikë mbi Lajpcigun e vendit të tretë. Dhe ky fakt bën të lumtur pretendentët, meqenëse kjo përfaqëson një skonto të fortë për klauzolën. Në rast se nuk fiton kampionatin gjerman, Verner në fakt kushton "vetëm" 50 milionë. Në kohë Koronavirusi, çmimet po ulen, por një yll si Verner në çdo rast ka një klauzolë të lartë: pra, kjo do të ishte mundësia më e mirë. Qëndron në sfond edhe interesimi i Liverpulit, që gjithashtu po frenon në këtë fazë.
Njëkohësisht drejtuesit zikaltër duhet të gjejnë kohët e duhura në këtë mes. Sulmi final për Vernerin është i lidhur detyrimisht me shitjen e Lautaro Martinezit. Kështu, Marota dhe Piero Auziio duhet të shpenzojnë gjithë diplomacinë e tyre për të mos nxituar. Nga njëri krah nuk dëshiron të bjerë pre e presioneve të Barcelonës që për argjentinasin momentalisht ofron jo më shumë se 80 milionë "cash", ndërkohë që në krahun zikaltër nuk zbresin nga kuota 90 milionë. Mbetet edhe ultimatumi që ka dhënë
KOHËT E DUHURA
Bartomeu: katalanasit janë shprehur se nëse negociata për Martinezin nuk mbyllet brenda mesit të majit, janë të vendosur të ndryshojnë objektiv. Kuptohet mirë që ditët e ardhshme do të jenë vendimtare në të dyja frontet.
EDHE ALABA - Sipas një raportimi të djeshëm nga portali gjerman "Sport1", Interi po ndjek me vëmendje edhe situatën e David Alabës te Bajerni, me kërkesë të Kontes, i cili e ka kërkuar austriakun (në skadencë kontrate me bavarezët qershorin e ardhshëm) që në kohët e Çelsit.
Zahavi, menaxheri i lojtarit, është në diskutim me klube të rëndësishme e ndërkohë Interi pret me vëmendje zhvillime të situatës së futbollistit që disa javë më parë ishte shprehur: "Te Bajerni ndihem mirë, por mund të ndjek rrugë të tjera".