Oferta e Barçës për Lautaron, tërbohet Interi: Mos jemi çmendur?

Barcelona-Lautaro Martinez do të jetë me siguri “telenovela” e radhës e merkatos në aksin Seri A-La Liga. Pavarësisht përgënjeshtrimeve nga të dyja palët, diçka po lëviz dhe dëshira e drejtuesve katalanas për të transferuar në “Camp Nou” numrin 10 të Interit është e fortë. Klubi zikaltër, megjithatë, nuk ka nevojë të shesë (siç është shprehur në më shumë se një rast presidenti Stiven Zhang) dhe për të lëshuar shtrëngimin kërkon në këmbim atë ofertë të parefuzueshme që për momentin as nuk është prekur, përkundrazi. Pas tentativës të fundit nga Katalonja, Interi është tërbuar:

“Na merrni për të çmendur apo budallenj?”, i janë përgjigjur njerëzit e merkatos interiste, siç raportohet nga Spanja.

- Gjatë mëngjesit të ditës së premte, njëri nga drejtuesit e Interit ka komentuar kështu propozimin e fundit të Barcelonës: pyeste nëse mendohej se në klubin

zikaltër kishte të çmendur apo budallenj, përpara shkëmbimit të ofruar nga katalanasit. Kështu është versioni i treguar nga një gazetar i “Mundo Deportivo”, e përditshme iberike e mirinformuar me lajmet nga Barça. Problemi është që përtej pjesës ekonomike (sipas burimit flitet për ofertën e fundit

të propozuar: 80 milionë euro dhe një futbollist) në këtë negociatë mendohet të ketë qenë grupi i lojtarëve të ofruar si shkëmbime për Interin: Rafinja, Todibo e Semedo mes të tjerëve. Futbollistë cilësorë, por megjithatë të vendosur në merkato nga Barcelona, të konsideruar të tepërt. Nga atje është

marrë një qëndrim nga Interi dhe është lëshuar një mesazh i fortë për katalanasit: si kusht nevojiten së paku 90 milionë euro “cash” dhe një lojtar si shkëmbim i përzgjedhur nga zikaltrit (total që do t’i afrohej klauzolës prej 111 milionësh), përndryshe nuk bëhet asgjë.