Asamble memece, polemikat i bën vetëm Andi Lila
Punime e fjalime "online", miratohet gjithçka në 120 minuta
Në një kohë të jash tëzakonshme pandemie, jeta e gjithsecilit ka hasur pengesa të mëdha. Për pasojë, edhe ndryshme thelbësore. E tillë ka qenë edhe Asambleja e Përgjithshme e Zakonshme e FSHF-së, teksa është zhvilluar për herë të parë me anë të lidhjes "online" në internet. Jo të gjithë në një sallë, por të gjithë nga zyra e klubit me anë të kompjuterit dhe lidhjes me internet. Bota e futbollit në vend miratoi si procedurë pikat e rendit të ditës që ishin parashikuar.
"ONLINE"
Të gjithë para kompjuterit ndoqën dhe votuan punimet e Asamblesë. Pas përshëndetjeve të përfaqësuesit të FIFAs dhe presidentit të Federatës së Kosovës, iu la vendi miratimit të procesverbaleve të Asamblesë së kaluar. Mes vështirësisë dhe shpesh pa votën e të gjithë anëtarëve, herë edhe pa shfaqjen në kohë në ekran të rezultateve për shkak se në selinë e FSHF-së ka patur edhe ikje dritash, gjithçka u mbyll brenda 120 minutave, nga ora 10:00-12:00.
NDËRHYRJE
Teksa mund të priteshin shumë ndërhyrje për çështje thelbësore që shqetësojnë futbollin, pati një të tillë në caktimin e anëtarëve të komisionit të verifikimit të procesverbalit. Pas propozimit të Refik Halilit, Shpëtim Bizhdilit dhe Safet Gjicit, presidenti i Laçit, Pashk Laska, kërkoi që të ishte edhe Naim Halili.
KAMZA DHE DEVOLLI
Kamza nuk do të jetë më anëtare me të drejta të plota në Asamblenë e futbollit, por e atashuar pranë Shoqatës Rajonale të futbollit për Tiranën. Kësisoj, edhe pa të
drejtë vote. Të njëjtin fat edhe Domosdova dhe Shoqata e Minifutbollit. Devolli u pranua si anëtar me të drejtë vote në Asamble.
BUXHETI
Teksa u deklarua dhe certifikua se FSHF ka një buxhet me bilance të shëndosha,
e aprovuar pas kompanisë audituese (e ndryshuar këtë vit) edhe me votën e anëtarëve, u tha se në buxhetin e vitit 2020 krahas ndihmës me dy paga për periudhën e Koronavirusit, FSHF do të ndihmojë me 100 milionë lekë (të
vjetër) edhe Ligën Profesioniste. Ky buxhet mori vetëm një votë kundër. Në fund, për pikën e diskutimeve në lidhje me çështje të tjera, presidenti Duka tha se asnjë nuk kishte sjellë propozim.
ARMAND DUKA
Që në krye të fjalës së tij, Duka nuk la pa ironizuar qeverinë. "Do të doja të falënderoja edhe qeverinë shqiptare për bashkëpunimin e deritanishëm: Për investimin e përbashkët në stadiumin e Kukësit. Për tokën, mbi të cilën ndërtuam shtëpinë e futbollit. Dhe për faktin, që gjatë periudhës së pandemisë na injoroi e anashkaloi si për mbështetjen financiare të anëtarëve tanë, ashtu edhe për bashkëpunimin inekzistent në rifillimin e aktivitetit të futbollit", u shpreh fillimisht Duka.