Priten yje në merkato, por Barça mbahet peng

Futbollistët nuk pranojnë që të largohen nga Spanja

Koha pa futboll ak tiv dhe pa ndeshje u ka shërbyer klubeve dhe drejtuesve për të bërë një analizë më të thellë për merkaton që do të vijë. Barcelona është prej skuadrave shumë aktive në këtë aspekt. Pretendimet dhe dëshirat janë të mëdha për të rikthyer vëmendjen në Katalonjë dhe për të transferuar yjet e momentit. Ëndrra e Bartomeut është transferimi i Nejmarit dhe Lautaro Martinezit, diçka që duket e vështirë. Kostoja e tyre është shumë e lartë, por në këtë histori ka diçka pozitive. Të dy futbollistët janë gati të transferohen dhe kanë pranuar kushtet e Barcelonës. Jo vetëm dy sulmuesit, por edhe Miralem Pjaniç dëshiron të veshë fanellën katalanase dhe i ka thënë po Bartomeut. Problemi është që merkatoja duket "e bllokuar" për shkak të mungesës së milionave dhe të faktit se lojtarët e Barcelonës nuk pranojnë që të bëhen monedhë shkëmbimi.

Lojtarët refuzojnë - Në rastin e Nejmarit, Antuan Grizman është ai që i ofrohet PSGsë. Problemet në këtë rast janë dy, Grizman nuk dëshiron që të transferohet në Francë dhe PSG-ja nuk e do kampionin e botës. E njëjta histori vlen edhe për Lautaron, i cili në fakt duket më i lehtë për të ndryshuar skuadër. Por edhe këtu janë lojtarët që kanë shfaqur kokëfortësinë e tyre dhe nuk kanë ndërmend që

të largohen te Barcelona. Interit i pëlqejnë disa nga futbollistët katalanas, si Rakitiç dhe Artur Melo, por problemi është se të dy kanë dalë publikisht dhe kanë treguar idenë e tyre për të luajtur deri në fund të kontratës me Barcelonën. Ivan Rakitiç e ka

thënë idenë e tij disa herë, po ashtu edhe Artur Melo. Ky i fundit mund të përfshihet edhe në marrëveshjen me Juventusin për Pjaniçin. Një tjetër lojtar që nuk ka ndërmend të largohet nga katalanasit është mbrojtësi Samuel Umtiti. Pavarësisht problemeve

të shumta që ka pasur gjatë kësaj kohe, francezi dëshiron që të provojë një tjetër mundësi që të bindë trajnerin Kike Setien. Umtiti ishte lojtari i parë që u dëmtua pas rikthimit në stërvitje dhe në këtë sezon ka pasur shumë probleme fizike.