Terminatori Ronaldo, si u transformua brenda 1 viti

Nevil dhe Gigs zbulojnësekretin: I ndryshoi trupi brenda natës

Në ditët e sotme Kristiano Ronal do cilësohet në të njëjtin nivel si Lionel Mesi, Diego Armando Maradona dhe Pele falë talentit të tij të pabesueshëm në futboll. Por superylli portugez, sot 35 vjeç, nuk ka qenë gjithnjë në klasën e pretendentëve dhe favorit për titullin e më të mirit tëtë gjitha kohërave. Në fakt, u desh një shkelm i vërtetënë prapanicën eportugezit për ta bërë futbollistin elitar qëështë sot. Në Angli, CR7 shpërthente në skenë nga asgjëja, pasi ia ktheu në makth Xhon O'Shisë një ndeshje miqësore mes Mançester Junajtidit dhe Sportingut të Lisbonës në vitin 2003. Rio Ferdinand, i cili luante për "Djajtë" atë ditë, tregon: "Shkuam në pushimin e pjesës së parë dhe Xhon O'Shi duhet të ketë patur nevojë për bomblën e oksigjenit në krah për të marrë frymë. Ai qëndronte atje ulur dhe gulçonte. Ne po i thoshim që t'i afrohej më shumë Kristianos, por ai nuk mundej as të na përgjigjej. Të jem i sinqertë, unë, Pol Skolls dhe Niki Bat, po qëndronim atje duke menduar: 'ky djalëështë i pabesueshëm, duhet të firmosim me të'". Dhe ashtu bënë, ndërsa arkitekti i Mançesterit, Sër Aleks Ferguson, mbeti më shumë sesa i befasuar nga paraqitja e 18vjeçarit kundër kampionëve të Premier Ligës. Por ende atëherë, Ronaldo ishte një adoleshent i dobët fizikisht, me reputacionin e një lojtari që e tepronte me individualitetin e tij në fushë.

RECETA E GIGSIT - Në fakt, Rajan Gigs, pranoi se lojtarët e Mançester Junajtid i jepnin shqelmanë stërvitje për shkak të dashurisë së tij të tepruar për fintet. Legjenda uellsiane, 13 herë kampion me "Djajtë", tregon: "Kur Ronaldo erdhi për herë të parë në 'Old Trafford', ai bënte shumë finte në fushë dhe në fund mungonte produkti. Ishte i ri kur u transferua te ne, ishte 18 vjeç dhe ende duke mësuar. Ai po vinte në një shkollë të vështirë siç ishte Junajtid dhe e tepronte me xhonglimet. Shpesh, kur niste ta tepronte me prekjet e topit, merrte shqelma në stërvitje. Ai duhet të rritej shumë shpejt dhe në fakt e bëri, duke u shndërruar në një prej futbollistëve më të mirë në botë". Talenti i tij ishte i padiskutueshëm, por ai ishte endei papjekur dhe kishte gjithashtu pikëpyetje për sjelljen tij, diçka e vështirë për ta besuar sot e kësaj dite, një lojtar që ka 17 vite në nivel profesionist. Shoku tjetër i skuadrës, Geri Nevil, pranon se ai ishte gati që të dorëzohej për Ronaldon në vitet e para të portugezit në "Teatrin e Ëndrrave".

KTHESA - Por në verën e vitit 2006 gjithçka ndryshoi. Dhe pastaj pjesa tjetër është thjesht histori. Në atë vit, Ronaldo shkoi me përfaqësuesen portugeze për të luajtur në Botërorin e Gjermanisë, që kujtohet për atë skenën e famshme të shkeljes së syrit ndaj shokut të skuadrës Uejn Runi, teksa sulmuesi anglez

linte fushën me karton të kuq. Dhe Nevil kujton se pas atij turneu ai u rikthye si një boksier i peshave të mesme. "Në sezonin 2006-'07, ai të linte pa frymë. Ai kishte zjarr në barkun e tij, uri. Dhe nga situata që unë isha gati të dorëzohesha që ai do ishte një sukses në vitet e para. Por pas Botërorit 2006,gjithçka ndryshoi. Kur i kthehesh atij sezoni, duket sikur të gjitha aspektet negative të lojës së tij u zhdukën. Kur një lojtar nis të shënojë 30 gola dhe jep 15-20 asiste, mund të vësh bast për gjithçka për ta. Ishte ndeshje pas ndeshjeje për një periudhë

2-vjeçare që unë nuk kam parë kurrë më parë diçka të tillë në 'Old Trafford'. Është shumë e rrallë të thuash që ti ke patur futbollistin më të mirë në botë, por askush nuk e mendonte, përfshirë mua atë sezon. Ai u kthye nga Botërori 2006 me mentalitetin e ndryshuar. Fiziku i tij dukej i transformuar totalisht brenda një nate. Ai ishte i shkathët, imcak dhe jo shumë i fuqishëm fizikisht dhe papritur u bë një boksier i peshave të mesme. Nga ai moment, ti e kupton se ai do të bëhet me të vërtetë special". Nësezonin 2005-'06, CR7 shënoi 9 gola dhe dha 6 asiste

në 33 ndeshje, 9 prej të cilave nga stoli. Një vit më vonë, shënoi 17 herë dhe i shtoi vetes edhe 8 asiste të tjera në 34 ndeshje. Pasimet, driblimet gjithashtu shënuan përmirësim. Edhe një tjetër vit pune dhe disiplina e tij u çimentua. Në 2007-'08 shënoi 31 gola, 6 asiste dhe u përfshi në gol çdo 74 minuta. Numri i driblimeve gjithashtu u rrit. Nga Nevil që donte të hiqte dorë, te shkelmat e Gigsit, Ronaldo u transformua nga ai talenti i dobët në një kampion në më pak se dy sezone. Kush e di se çfarë sekreti fshihet pas asaj vere në Gjermani...