Barçën, ose asnjë klub tjetër, Lautaro ultimatum Interit

"Demi" me ide të qarta, refuzon çdo destinacion tjetër

Barcelona nuk do të bëjë asnjë hap pra pa nga përpjekja për të transferuar Lautaro Martinezin, sulmuesin e Interit. Është gjithmonë e më e bindur e përditshmja "Mundo Deportivo" (e mirinformuar nga lajmet pranë klubit katalanas) që flet për dëshirën e futbollistit për t'u bashkuar me "blaugrana"-t përkrah mikut dhe bashkëkombësit Lionel Mesi. Për momentin Interi dhe Barça po marrin kohë (me siguri edhe më shumë se afati që ishte i përcaktuar për

mesin e kësaj jave), për më tepër sepse negociata nuk parashikohet të jetë aspak e lehtë në kohë Koronavirusi.

Joshja e një telefonate nga vetë idhulli Leo ka qenë e fortë, aq sa e ka shtyrë numrin 10 interist t'u shprehet hapur drejtuesve të

KUR THËRRET LEO...

tij: "Ose shkoj te Barcelona, ose qëndroj në Milano", siç ka nënvizuar pikërisht e përditshmja katalanase. Argjentinasi si zikaltër me Antonio Konten ndihet shumë mirë, nuk do të forconte kurrë dorën për një shitje edhe prej mirënjohjes kundrejt Interit, klub që e prezantoi

me skenën e madhe europiane. Gjatë këtij sezoni, i dyti në Itali, Lautaro ka shënuar 16 gola në 31 ndeshje mes kampionatit, Champions-it dhe Kupës së Italisë. Kjo ka ngjallur interesin në Katalonjë, por edhe të klubeve të tjera "top" në Europë: si Mançester Siti, ku megjithatë kanë probleme me përjashtimin nga kompeticionet jashtë Anglisë për dy vite.

Por "Demi" as nuk do t'i konsideronte, sepse dëshira e tij është që nëse vërtet duhet t'i thotë lamtumirë Interit, do ta bënte vetëm për të marrë një aeroplan me destinacion Barcelonën. Çmimi në klauzolë është i fiksuar në kuotën 111 milionë euro, megjithatë, siç thamë, katalanasit duan të ulin shifrën me lojtarë si Vidal, Semedo, Zhunior Firpo e Todibo. Ndërsa Interi më pas do të duhet të gjejë zëvendësuesin e Lautaros. Por ky është një kapitull më vete...

VETËM PËR BARÇËN