Kaloi “COVID”-in, Flor Riza: Ja pse s’ka asnjë rrezik

"Mjafton të izolohet vetëm sportisti i prekur, ja ç'futboll pritet"

"Futbollistë nuk ka as një rrezik". Kështu shprehet një ish-futbollist i shquar i Tiranës dhe jo vetëm në një intervistë elektronike për "Panorama Sport". Florian Riza jep mesazhin e qartë për të gjithë sportistët profesionistë, duke u thënë se e gjithë kjo situatë mund të kalohet edhe pa asnjë shqetësim. Si një prej personave që e ka kaluar virusin që shkaktoi pandemi në të gjithë botën, Riza sqaron se do të mjaftonte karantinimi individual i futbollistit në rast se preket, pa patur nevojë për izolimin e të gjithë skuadrës. "Deri në 38.5. Ka qenë vetëm kjo temperaturë", tregon ndër të tjera Riza, për shqetësimin që ka kaluar gjatë periudhës së përjetimit të Koronavirusit. Riza, si jeni me shëndet pasi e keni kaluar edhe virusin?

Jam mirë dhe gëzoj shëndet të plotë. Çfarë vështirësish keni ndierë nga ana shëndetësore gjatë periudhës kur ishit në spital?

Kam patur vetëm temperaturë gjatë periudhës kur kam qenë në shtëpi. Sa ishte temperatura më e lartë dhe më shqetësuese?

Deri në 38.5. Ka qenë vetëm kjo temperaturë. Gjatë periudhës së qëndrimit në spital nuk kam patur asnjë shqetësim. Sa zgjat periudha e simptomave shqetësuese?

Unë flas për rastin tim dhe atë që kalova. Tek unë ka zgjatur dhjetë ditë. Në cilën periudhë e keni kaluar virusin?

Ka qenë periudha nga data 10 mars deri më 20 të

këtij muaji. A lë apo jo pasoja virusi kur kalohet me shqetësime dhe simptoma (siç e keni kaluar ju)?

Jo, unë nuk kam kaluar asnjë simptomë. A keni ndonjë ide se ku mund të jeni infektuar?

Nuk e di këtë dhe unë nuk kam infektuar askënd.

Nëse një futbollist supozojmë se e kalon virusin, bazuar edhe nga eksperienca juaj, a lë pasoja të mëtejme? Shëndeti, frymëmarrje, apo shqetësim tjetër?

Sipas meje, në rastin hipotetik që po pyesni ju, në rast se një futbollist aktual preket, unë mendoj se nuk i lë asnjë lloj simptome. Në rastin e një futbollisti të prekur, si mendoni, mjafton të izolohet individi apo duhet izoluar e gjithë skuadra?

Unë mendoj se do të mjaftonte që të izolohej vetëm futbollisti i prekur jo e gjithë skuadra. Çfarë sugjeroni për sportistët, si duhet të veprojnë në këtë situatë, por edhe në rast prekjeje nga virusi?

Sugjeroj që të vazhdojnë të stërviten pa asnjë frikë. E them këtë sepse nuk do të kenë fare probleme. Në gjykimin tuaj si ishfutbollist, çfarë futbolli duhet të presim pas një periudhe kaq të gjatë pushimi?

Sipas meje, duhet të presim futbollin që kemi parë vazhdimisht. Ndoshta vetëm ritmi do të jetë disi më i ulur. Nga dje është dhënë leja nga shteti për stërvitje dhe më 3 është caktuar nisja e kampionatit. A mendoni se është kohë e mjaftueshme përgatitore për lojtarët dhe ekipet?

Unë besoj se ata janë stërvitur edhe gjatë këtyre muajve. Ndaj them se mjafton për të vazhduar me ndeshjet e kampionatit. Çfarë këshille do të kishit për ekipet dhe për Tiranën specifikisht që është në vend të parë me 9 pikë diferencë?

Unë besoj te lojtarët profe- sionistë dhe këshilla ime ësh- të që të vazhdojnë të jenë të tillë, profesionistë.