Skandali, arrestohet Odoi, akuzohet se përdhunoi një modele

Ngjarja në 4 të mëngjesit, vajza në spital me ambulancë

Talenti 19-vjeçar i Çel sit, Kallëm HadsonOdoi, është arrestuar mes natës së të shtunës dhe të dielës, pas një incidenti ende misterioz, por që dyshohet se ka qenë përdhunimi i një modeleje. Sipas “Daily Mail”, sulmuesi anglez kishte ftuar në shtëpi një modele, pavarësisht se Britania është ende nën izolim prej pandemisë së Koronavirusit dhe vetë Odoi rezultoi pozitiv ndaj tamponit në muajin mars, duke u shëruar më vonë. Rreth orës 4 të mëngjesit, policia mori një thirrje telefonike nga apartamenti i futbollistit, pas një sherri që dyshohet se kishte nisur mes tyre. Modelja, të cilën ai e kishte takuar “online” dhe e kishte ftuar në shtëpinë e tij pas disa mesazheve flirtuese, i raportoi policisë se nuk ndihej mirë dhe u largua prej shtëpisë së Odoit me ambulancë, ndërsa futbollisti u arrestua me pranga në duar dhe u dërgua në polici.

TË AFËRMIT – Talenti i akademisë së bluve të Londrës, i cili për shumë kohë ishte në shënjestrën e Bajernit të Mynihut, e kishte ftuar vajzën e pashme që kishte njohur në rrjetet sociale të shkonte në apartamentin e tij e veshur me intimo seksi. Fqinjët e futbollistit thanë për “The Sun” se kishin parë një vajzë shumë tërheqëse të hynte në shtëpinë e tij dhe në të gdhirë panë makinën e policisë dhe një ambulancë që mbërritën përpara apartamentit të sulmuesit.

Aktualisht Çelsi nuk ka lëshuar ende asnjë deklaratë për incidentin, por Odoi mungoi në stërvitjen e djeshme, dita e parë kur qeveria dha dritën jeshile për rinisjen e përgatitjeve të klubeve në grup. Pas disa orëve në komisariat, Odoi

është liruar me kusht mëngjesin e së hënës, ndërsa një zëdhënës i policisë konfirmoi incidentin: “Policia dhe shërbimi i urgjencës së Londrës morën një telefonatë në orën 03:53 të së dielës, 17 maj, ku raportohej se një grua nuk ndihej mirë. Kur shërbimet e

urgjencës mbërritën atje, një grua raportoi se ajo ishte përdhunuar dhe u dërgua në spital. Një person u arrestua në vendngjarje me dyshimin e përdhunimit. Ai u lirua më pas me kusht dhe pritet të raportojë sërish në polici në mes të muajit qershor”.