Barça tenton Shkriniarin, stërkëmbësh për... Realin
Turku Sëjuçnu tjetër alternativë, agjenti: Jemi në bisedime
Barcelona është një nga skuadrat më aktive në merkato gjatë kësaj kohe. Katalanasit duan që të përmirësojnë organikën për sezonin e ardhshëm dhe janë duke bërë diskutime me disa ekipe të ndryshme për të arritur objektivat. Qendra e mbrojtjes është një repart ku Barcelona ka shumë nevojë dhe për këtë arsye drejtuesit kanë piketuar disa emra, mes tyre Milan Shkriniar dhe turku i Leistërit, Sëjuçnu.
TENTOHET SHKRINIAR
- Barcelona kërkon të bëjë një lëvizje befasuese në merkato, jo vetëm të forcojë mbrojtjen e saj, por t'i krijojë probleme edhe Realit të Madridit. Këtë gjë do ta bëjë duke tentuar Milan Shkriniarin, i cili është edhe objektiv i "Galaktikëve". Shkriniar është një lojtar i fortë dhe ka shumë mundësi për t'u përmirësuar në lojën me top, prandaj katalanasit kanë besim se duke e bërë bashkë me Pikenë, ai mund të jetë një garanci. Sllovaku ka pasur probleme në skemën me 3 të Antonio Kontes, megjithëse u ka thënë drejtuesve të Interit se nuk do të largohet. Por për një ofertë mbi 50 milionë euro këta të fundit mund ta sakrifikojnë. Duke transferuar Shkriniarin, Barcelona do t'i prishë punë Realit, i cili është në kërkim të një zëvendësuesi për Serxho Ramosin. Gjithçka duket shumë e vështirë duke qenë se Interi do të largojë Godinin dhe Shkriniar do të marrë vendin e tij si qendër e djathtë e mbrojtjes për t'ia lënë vendin Bastonit ose Kumbullës majtas.
Një tjetër emër që i pëlqen shumë Barcelonës dhe më lehtësisht i transferueshëm është
PËLQEHET SËJUÇNU
mbrojtësi turk Çaglar Sëjuçnu. Lojtari i Leistërit ka spikatur këtë sezon në Premier Ligë dhe agjenti i tij, Mustafa Drogu, e pranon se në verë mund të veshë fanellën katalanase. Ai ka folur për gazetën "AS" dhe tregon se mbrojtësi turk ka qenë pranë Barcelonës
edhe në të shkuarën. "Sigurisht që ekziston mundësia që Sëjuçnu të përfundojë te Barcelona. Ai mund të luajë me katalanasit në këtë sezon. Në Premier Ligë, vetëm Liverpuli mund të paguajë për ta pasur, por një ekip tjetër që e do atë është PSG-ja.