Seria A mund të nisë më 20 qershor, mjeku: Ndiqni Gjermaninë!
Starti më 13 qershor, vetëm vjen nëse ndalen infektimet
Rinisja e Serisë A mund të shtyhet për 20 qershorin. Kjo sepse dekreti i 17 majit i firmosur nga Xhuzepe Konte, presidenti i këshillit, ndalon deri më 14 qershor çdo kompeticion sportiv: “Janë të pezulluara eventet dhe kompeticionet sportive të çdo tipi dhe disipline, në vende publike apo private”, shkruhet. Për të rinisur më 13 qershor, siç ishte vendosur nga Liga e Serisë A, nevojitet pra një ndryshim që do të vijë në rast se nuk shpërthejnë infektimet. Qeveria pret të dhëna të tjera lidhur me infektimin. Nga qeveria kanë ardhur siguri drejtuar klubeve: priten të dhëna të tjera lidhur me infektimin, e nëse do të jenë pozitive, atëherë dekreti do të modifikohet. Shtyrja me një javë, me rinisjen e fiksuar nga 13 në 20 qershor, mund të bëhet një fakt i kryer nëse nuk do të gjendet një akord për stërvitjet në grup. Liga ka formuluar me shkrim korrektimet e saj që tani i janë dërguar qeverisë dhe komitetit tekniko-shkencor: nyjet për t’u zgjidhur i përkasin karantinës në rast se dikush zbulohet pozitiv, organizimit të grumbullimeve dhe përgjegjësisë penale të mjekëve.
VAIA – “Data 13 qershor për rinisjen e futbollit dhe gjithë botës së sportit më duket diçka e mundshme. Kemi një muaj kohë, dy periudha të tjera të mundshme inkubacioni dhe manifestimi të simptomave të ‘COVID-19’ për të gjetur zgjidhjen më të mirë”. Kështu
ka folur Françesko Vaia, drejtori sanitar i institutit për sëmundjet infektive “Spallancani” të Romës dhe mes ekspertëve që po mbështesin komisionin mjeko-shkencor të Federatës Italiane të Futbollit. “Rinisja e sportit është sinjal i një vendi që shpreson, por
duhet bërë në siguri”, ka shtuar Vaia. “Virusin do e mposhtim përfundimisht me terapitë e posaçme dhe me vaksinën”.
LOGJIKA GJERMANE “Rinisja më 13 qershor në siguri? Mund të bëhet, duke rrezikuar sa më pak. Është e nevojshme të njihet data e nisjes
për të programuar stërvitjet”. Është shprehur me këto fjalë Enriko Kastelaci, ish-përgjegjës mjekësor i kombëtares italiane. “Nëse duam ta përfundojmë kampionatin, nuk mund të hyjmë në logjikën e karantinës me një pozitiv. Duhet të ndjekim logjikën gjermane”.