Panorama Sport (Albania)

Prapaskena­t Prapaskena­t me me Panon, Panon, rrëfehet bashkëshor­tja: Si Si e e la la futbollin futbollin pas pas debatit debatit me me trajnerin trajnerin

"Trajneri ishte cinik, Joti qante si fëmijë. Sa herë luante Partizani, vishte fanellën dhe shihej në pasqyrë"

- JETMIR HALILAJ

Për Panajot Panon mund të shkruash faqe të tëra gazete, por sërish do të ishte e pamjaftues­hme të zbardhje "sekretet" e jetës së tij. Në rrëfimin e të birit pak ditë më parë për "Panorama Sport", dolën detaje të pathëna më parë sa i përket mënyrës se si legjenda Panajot Pano e kishte lënë futbollin. Ai pati debatuar me trajnerin e asaj kohe për një zëvendësim 10 minuta para mbarimit të ndeshjes dhe kishte vendosur ta linte futbollin. Kaq! Ngjarja u takon 45 viteve më parë dhe vështirësi­a për të hedhur sadopak dritë për vendimin final të ish-sulmuesit të shquar nis me saktësimin e emrit të trajnerit (Dyshime nëse në sezonin 1974-1975 të kuqtë i drejtoi Kolec Kraja, Ilia Shuke apo Loro Boriçi). Pikërisht këtu e merr "stafetën" Rebeka Pano, bashkëshor­tja e ish-futbollist­it të shquar. "Trajner ka qenë Ilia Shuke, - saktëson ajo për gazetën. - Nuk patën ndonjë debat të madh, por Joti u prek shumë dhe vendosi të tërhiqej nga futbolli". Rebeka tregon edhe se si i përjetoi Pano ditët pa futboll, teksa pohon me një sinqeritet të admirueshë­m se kolosi i futbollit qante si fëmijë dhe se në çdo ndeshje të Partizanit vishte kostumin sportiv para se të ulej përballë televizori­t.

Në intervistë­n e para pak ditëve, djali juaj, Ledjo, më tha se arsyeja që Panajot Pano e la futbollin për shkak të divergjenc­ave që pati me trajnerin i cili drejtonte atëherë Partizanin.

Po. Trajneri që drejtonte Partizanin në atë kohë ishte Ilia Shuke. Pati fërkime me

të dhe për të ruajtur një marrëdhëni­e korrekte me të vendosi të shkëputej. Por, duhet të them që edhe mosha ndikoi për ta marrë këtë vendim. Ishte 36 vjeç në atë kohë. Megjithatë, ai mund të vazhdonte të luante ndoshta edhe 1 ose 2 vjet të tjerë. Por, kryesorja që ndikoi ishte marrëdhëni­a me Shuken. Kjo e mërziti shumë. Shkak u bë nxjerrja nga fusha në 10 minutat e fundit të një takimi. Dhe atë ditë ai mori vendimin e prerë: "Këtu mbaron gjithçka". Panajoti u vra shumë shpirtëris­ht nga kjo.

Shpesh është thënë që në

atë kohë nuk pyetej për parametrat fizikë të një lojtari ose se çfarë mund të jepte në fushë. Thjesht shihnin moshën dhe i "digjnin". A ndodhi kështu edhe me Panajot Panon?

Shuke nuk kishte qenë trajner futbolli. Partizanin nuk e kishte drejtuar ndonjëherë, por as ekipe të tjera. Më falni, por këtë më duhet ta them, që ky trajner ishte pak cinik. Panajoti stërvitej fort, me korrektësi. Stërvitja për të ishte primare. Shuke nuk njihej me Panajotin nga afër. Nuk e di s'piksnim i kishte vënë vetes ky trajner dhe u kap pa një arsye me të. Kjo ndodhi sapo ai mori drejtimin e Partizanit. Jo se ndodhi ndonjë sherr i përmasave të mëdha. Thjesht fërkime, por Panajoti këtë e ndjeu shumë dhe vendosi të tërhiqej nga futbolli i luajtur, edhe pse Shuke këmbënguli që të mos e linte. Panajoti thjesht e "falënderoi" që ky ishte i pari trajner që e nxirrte jashtë nga fusha dhe aty u mbyll çdo gjë. Mbaj mend që Panajoti më tha: "Unë një ditë do ta lija futbollin, por me që ndodhi kështu, po tërhiqem që tani".

Shumë lojtarë e përjetojnë keq tërheqjen nga futbolli dhe doja të dija si e kaloi këtë situatë një legjendë si Pano.

Kur u kthyem në shtëpi, pas vendimit që mori, ai ka qarë si fëmijë. E tha dhe Ledjo para disa ditëve, në korridorin e shtëpisë kishim një pasqyrë të madhe dhe kur luante Partizani, por jo vetëm, ai vishte uniformën dhe shihej në pasqyrë. Kjo flet shumë që po e përjetonte keq. Jo vetëm Panajoti, të gjithë si familje e vuajtëm. Por gjithsesi, një ditë ai do të shkëputej nga futbolli se nuk mund të luante pafundësis­ht. Ajo kohë do të vinte, por mund të ishte pak më e largët.

Në atë kohë nuk të mundësohej që të përgatites­he mendërisht dhe shpirtëris­ht për t'u shkëputur me qetësi, pavarësish­t se kishe dhënë jetën për atë sport...

Ai e vuajti dyfish edhe për faktin se nuk ishte tip i debatit. Nuk kishte debatuar kurrë në jetën e tij me njeri. Ishte shumë i qetë. Të them të drejtën, jo se debati me Shuken ishte kaq i madh, por ai kështu e mendoi, ta linte futbollin në atë moment. Të mos vazhdonte më tej. Kjo ishte e tëra.

 ?? Rebeka dhe Panajot Pano ?? Fllet Fllet Rebeka Rebeka Pano: Pano: Patii përpllasje me Illiia Shuken.. Trajnerii Trajnerii iishte iishte ciiniik,, ciiniik,, Jotii qante qante sii sii fëmiijë.. fëmiijë.. Sa Sa herë herë lluante lluante Partiizani­i,, Partiizani­i,, viishte viishte fanellllën fanellllën dhe dhe shiihej shiihej në në pasqyrë
Rebeka dhe Panajot Pano Fllet Fllet Rebeka Rebeka Pano: Pano: Patii përpllasje me Illiia Shuken.. Trajnerii Trajnerii iishte iishte ciiniik,, ciiniik,, Jotii qante qante sii sii fëmiijë.. fëmiijë.. Sa Sa herë herë lluante lluante Partiizani­i,, Partiizani­i,, viishte viishte fanellllën fanellllën dhe dhe shiihej shiihej në në pasqyrë
 ??  ?? Rebeka dhe Panajot Pano
Rebeka dhe Panajot Pano
 ??  ?? Ilia Shuke
Ilia Shuke
 ??  ?? Panajot dhe Ledjo Pano
Panajot dhe Ledjo Pano

Newspapers in Albanian

Newspapers from Albania