E treta e vërteta, Hazard do t'u japë titullin madrilenëve

Sulmuesi belg ka shansin e radhës këtë sezon

Do të jetë e treta e vërteta për Eden Hazardin në këtë sezon. I transferuar te Reali i Madridit në vitin 2019, belgu nuk ka arritur që të lërë gjurmë në këtë aventurë. Gjërat nuk kanë dalë ashtu siç duhet, por historia e nisur keq mund të ketë një fund të lumtur. Ndërkohë që ka qenë i shëndetshëm, Hazard ka dhënë shkëndija dhe tregoi kualitetin e tij, por kurrë nuk u bë ylli që prisnin të gjithë. Hazard erdhi në Madrid kur ishte i rritur plotësisht në aspektin sportiv, ndoshta pak më vonë... Por historia e tij në klubin "galaktik" sapo ka mbyllur kapitullin e parë. Një kapitull që nuk ka përfunduar ende. Do të jetë tentativa e tretë që Hazard të kërkojë suksesin në këtë sezon, sepse Reali pagoi 100 milionë euro për të. Eden erdhi në fazën përgatitore në një formë të dobët dhe një dëmtim muskulor i shkaktoi dëmtim dhe e la jashtë fushës së lojës për 3 ndeshjet e para. Debutoi zyrtarisht me fanellën e bardhë më 14 shtator. Gjithçka po shkonte mirë deri më 26 nëntor, ditën

kur PSG-ja do të vinte në Madrid. Hazard po bënte diferencën në fushë dhe Reali po shkëlqente deri në momentin që Mënie e dëmtoi dhe e çoi në infermieri. Mjekët thanë se kishte nevojë për një trajtim në gjurin që kishte dëmtuar në vitin 2016. 67 ditë më vonë, Hazard u rikthye dhe luajti më 16 shkurt kundër Selta Vigos. Bëri sër

ish "krak" dhe kundër Levantes pësoi dëmtimin e rëndë. I njëjti gju, i njëjti dëmtim. Vendosi të operohej më 5 mars dhe koha e rikuperimit të tij ishte nga 2 deri në 3 muaj. Tani është rikthyer në stërvitje të plotë me grupin dhe Zinedin Zidan shpreson që ta ketë për pjesën e mbetur të sezonit. Kjo është e treta e vërteta për Eden Hazardin.