Juventus pa busull, Udineze i shtyn festën
Sarri ka distancë sigurie, shpallet kampion nëse fiton me Sampin të dielën
Shtyhet festa e titullit për Juventusin, që humbet 2-1 në "Dacia Arena" kundër Udinezes. Asgjë e rëndë (ndoshta) për "Zonjën", pasi avantazhi (prej 6 ikësh mbi Atalantën dhe 7 mbi Interin) i mban në distancë sigurie dhe trofeu mund të sigurohet të dielën duke mposhtur Sampdorian, ose edhe të shtunën nëse Atalanta dhe Interi nuk fitojnë kundër Milanit dhe Xhenoas.
AVANTAZH I "ZONJËS" - Shtyllë befasuese e friulanëve që në kundërsulm, në një krosim nga e majta, "detyrojnë" Danilon në një ndërhyrje me kokë në emergjencë që kalon Sheznin dhe dërgon topin në traun e majtë të portës së polakut. Në tërësi "Zonja" bën ndeshjen: në të 5-ën Kristiano kthehet bukur me të majtën por dërgon topin në krahët e Musos (Dibala ishte në pozicion jashtë loje, goli në çdo rast do ishte anuluar), në një aksion ku skuadra e Sarrit i fshehu topin kundërshtarit për më shumë se një minutë. Një Juventus që duket se nxiton të zhbllokojë ndeshjen dhe ta vendosë në dishezë, edhe për të mos u kapur nga ankthi në momentet e fundit. Në të 15-ën është Nujtink që, me një kthim prapa për Muson, rrezikon autogolin: në goditjen nga këndi goditja e Ramsejt kthehet prapa nga mbrojtja e Udinezes, topi shkon te Dibala që lëshon të majtën por gjen përgjigjen e Musos që e grushton në fundore. Pasi të dyja palët u shkuan pranë autogolave, nuk ka ndodhur asgjë për t'u shënuar deri te tentativa e Ronaldos, që goditi nga vendi nga limiti i zonës dhe shtang Muson, por i mungon saktësia. "Skenari" i ndeshjes ndërkohë ndryshon, pasi në aksionet pasardhëse është Udineze që tenton të avancojë në përpjekje për t'u krijuar vështirësi miqve: kërkojnë edhe një penallti pas ndërhyrjes së Ramsejt ndaj De
Paul, rast ku Irrati kupton se argjentinasi u rrëzua pa kontakt. Papritur, është De Vraj ai që e zhbllokon: pritej Ronaldo apo Dibala, shfaqet holandezi që koordinohet në një top të spastruar nga mbrojtja friulane, e ndal me kraharor dhe i nisur për goditje lëshon një "silurë" që ndalet në këndin e djathtë të
portës. Episodi i fundit i 45 minutave të para.
PËRMBYSJE FRIULANE
- Me kthimin në fushë, shumë shpejt Udineze mobilizohet dhe gjen golin e barazimit me Nestorovskin, që shënon me një hedhje të bukur në zonë pas krosimit nga e djathta të Semës: keq në aksion Aleks Sandro, që harron totalisht
diagonalen mbrojtëse dhe lë të lirë kundërshtarin. Sarri aktivizon edhe Duglas Kostën dhe Matuidinë, por Juventusi nuk krijon më asgjë. Përkundrazi, në shtesë aksioni personal i Fofanasë që përfundon me gol është për kornizë dhe në fund mundet edhe t'i vlejë shpëtimin nga rënia Udinezes.