Teuta në Europë, gola për të tërë në Vlorë
Lorenco Vila bën diferencën ndaj Flamurtarit, Pjeshka dhe Hoxhaj nuk mjaftojnë
Asnjë surprizë në Vlorë. Teuta fiton dhe "vulos" Europën. Përtej rezistencës së Flamurtarit, durrsakët morën çka deshën në javën e parafundit të këtij sezoni. Me këtë trepikësh sigurojnë objektivin dhe tashmë shkojnë të qetë në finalen e Kupës së Shqipërisë. Ajo e djeshmja ishte një ndeshje plot ritëm dhe gola. Rrjetat e Lorenco Vilës u barazuan dy herë...
Asnjë surprizë në Vlorë. Teuta fiton dhe "vulos" Europën. Përtej rezistencës së Flamurtarit, durrsakët morën çka deshën në javën e parafundit të këtij sezoni. Me këtë trepikësh sigurojnë objektivin dhe tashmë shkojnë të qetë në finalen e Kupës së Shqipërisë. Ajo e djeshmja ishte një ndeshje plot ritëm dhe gola. Rrjetat e Lorenco Vilës u barazuan dy herë prej Denis Pjeshkës dhe Ardit Hoxhajt, por në të 63-ën ishte Rubin Hebaj ai që dha qetësinë.
PJESA E PARË
Teuta ushtron presing që në nisje dhe pa kaluar 3 minuta fiton një goditje dënimi, që sjell edhe zhbllokimin e shifrave. Kallaku shërben shkurt te Todorovski, i cili kroson direkt nga e djathta në shtyllën e dytë. L.Vila është i vëmendshëm dhe me të djathtën e ka dërguar në rrjetë. I njëjti protagonist mund të dyfishonte në të 12-ën me kokë, por nuk e gjeti kuadratin. Kur u duk se për miqtë do ishte e thjeshtë kjo sfidë, Flamurtari i "shtangu". Qarri çon një top në zonë nga goditja e dënimit dhe pas devijimit të Ribajt me kokë, është Pjeshka që gjuan bukur me të djathtën dhe 1 me 1. Durrsakët nuk e pranojnë këtë rezultat, ndaj hidhen në sulm. Dhe në të 21-ën rigjejnë avantazhin, me një superaksion. Kapllani-Kallaku-Çyrbja kombinohen mes tyre dhe shërbejnë te L.Vila në krahun e majtë. I riu nuk e fal këtë mundësi dhe me të djathtën ndëshkon sërish Moçkën. E megjithatë, vend për gëzim nuk ka ende. Në të 28-ën Rapaj kombinohet me Ribajn, që pasi i shmanget Arapit deri në fundore, e çon topin në zonë te Hoxhaj. Sulmuesi i pamarkuar gjuan me të djathtën dhe barazon sërish. Edhe pse kjo pjesë kishte minuta me bollëk, shifrat mbetën të pandryshuara.
PJESA E DYTË
Edi Martini freskon sulmin, ndaj lë në dhomat e zhveshjes Kapllanin dhe fut Hebajn. Kontrolli është i gjithi për miqtë, deri në atë dalje të gabuar të Frashërit që i futi jo pak në siklet në të 55-ën. Portieri në përpjekje për të rikuperuar topin shkakton faull ndaj Hoxhajt. Ka penallti dhe vlonjatët kishin mundësinë e përmbysjes, por ajo gjuajtje e Ribajt la për të dëshiruar. Sfera shkoi vetëm mbi tra. Teuta rimori "frenat" dhe në të 63-ën shënoi sërish. L.Vila kombinohet shpejt me Avdylin, i cili sheh
të lirë Kallakun dhe pason. Mesfushori ". gjuan dhe topi pas devijimit të E.Vilës shkon te Hebaj, që me të djathtën nuk gabon dhe 2-3. Marrin frymë lirshëm "djemtë e detit", ndonëse paniku nuk kaloi tërësisht. Në të 71-ën Flamurtari
për pak sa nuk barazon sërish, pas asaj gjuajtjeje nga distanca të Ribajt. Një devijim i Hoxhajt rrezikoi të shkonte autogol, por mendoi Frashëri që të ndalte në trekëndësh. Pjesa e mbetur i la durrsakët në zonën e vendësve, ndonëse gola nuk kishte më.