Italianët çmenden me Hysajn
Mediat italiane janë çmendur pas mbrojtësit shqiptar dhe e kanë ngritur në piedestal pas golit të shënuar kundër Sasuolos, i pari për të në Serinë A. Hysaj është zgjedhur si lojtari më i mirë i kësaj sfide. Pas shumë kritikave që ka marrë nga mediat, më në fund erdhën vlerësimet dhe notat e larta për të. Të gjitha të merituara. Nga "Gazzetta Dello Sport" te "Tuttosport" edhe "Corriere" dhe të tjerët e kanë vlerësuar me notë të lartë kapitenin e Kombëtares shqiptare për golin dhe mbi të gjitha për paraqitjen fantastike që bëri kundër Sasuolos.
"GAZZETTADELLO SPORT" 7
Shënon golin e parë në Serinë A pas 198 ndeshjesh të luajtura. Pastaj i afrohet edhe golit të dytë në fundin e ndeshjes. I inspiruar, por edhe i lirë për të bërë gjithçka që do në krahun e majtë. Bashkëpunon me të tjerët, është i shpejtë dhe potent.
"CORRIEREDELLOSPORT"7,5
Shënon golin e tij të parë të karrierës në Serinë A pas 198 ndeshjesh dhe ai gol e ndihmon që të shpërthejë. Ka qenë gjithmonë një lojtar krahu që mendonte për mbrojtjen, por këtë herë ishte një furi në sulm. Në fundin e pjesës së parë i shërben Insinjes dhe "fluturon" në krah. I afrohet golit të dytë dhe jep një asist për Politanon, i cili godet shtyllën.
"SPORTMEDIASET" 7
Zhbllokon rezultatin pas 8 minutash lojë dhe pastaj argëtohet me dy iniciativa personale duke shërbyer Milikun dhe Insinjen, të cilët shpërdorojnë golin e dytë. I afrohet dopietës.
"EUROSPORT" 7
Për një pjesë loje bën çfarë të dojë me të gjorin Muldur, i cili është i pandihmuar. Gjen golin pas një jete në Serinë A. Pastaj "rrezikon" edhe dopietën.