Riktheu Riktheu Tiranën Tiranën kampione, kampione, Egbo: Egbo: Në Në Shqipëri Shqipëri më më kanë kanë hedhur hedhur banane banane

“Bomba” e Muçës: Halilit ia bënë lojtarët ndeshjen në Ballsh, duhet të zhdukte nja 3 kokrra Merveil shitet në Kroaci, bardheblutë përfitojnë 140 mijë €

Ish-trajneri i Tiranës, Ardian Mema, përsëriti se bardheblutë duhej ta vendosnin prej kohësh trajnerin për sezonin e ri. Në studion e "Sport News Plus" në "News 24", Mema theksoi se kampionët e rinj të Shqipërisë duhej të kishin siguruar lojtarët me peshë edhe për 1 vit:

TRAJNERI - "Kur mbaroi sezoni vjet, e konfirmova veten në studion tuaj si trajner i Tiranës për sezonin e ri. Por, kjo nuk është një gjë e mirë, duhet ta vendosë klubi paraprakisht. Duhet ta bëjë klubi, jo unë apo kush trajner është. Nuk është gjë e mirë që trajneri ta konfirmojë veten e tij. Klubet shqiptare i besojnë më shumë rutinës se programit dhe projekteve. Klubi duhet të dalë me një lloj deklarate dhe të thotë 'ky do të jetë trajneri'".

LOJTARËT - "Janë shumë lojtarë pa kontratë. Të paktën lojtarët më me peshë te Tirana duhej të konfirmoheshin, e lëmë mënjanë trajnerin. Sezoni tjetër vjen shumë shpejt. Trajneri pa lojtarët është si diçka e vdekur. Nëse nuk janë bërë kontratat e lojtarëve, nuk e di si do shkojnë gjërat. Tirana ka lojtarët më të kërkuar në treg. Nëse një klub merr vesh që dikujt i skadon kontrata te Tirana, atëherë ky klub mund të bëjë një ofertë më të mirë se Tirana", u shpreh Mema.

MERKATO - "Është një handikap në mes. Ne nuk e dimë kush do të jetë trajneri, vjen një sulmues. Është e çuditshme që lojtarët e spikatur të Tiranës nuk janë siguruar. Si lojtarët dhe trajneri janë në ajër. Champions-i vjen për dy javë. Përveç Kalesë që ka dy vjet kontratë, të tjerë janë me kontrata njëvjeçare. Edhe të rinjtë, Çelhaka, Muçi, Ismajlgeci kanë kontratë edhe për vitin tjetër. Mbrojtësi i djathtë Doka do ikë në Kroaci. Është shumë e vështirë që Doka me atë paraqitje të zëvendësohet shpejt, ti duhet të kesh gati zëvendësuesin. Nuk mund të jesh konkurrues në Champions kur ke lojtarë pa kontrata dhe pa zëvendësues. Përveç kësaj, duhet të mbrojë titullin, klubin e shoh shumë vonë".

DAJA TE PARTIZANI "Nëse kanë vendosur për Ilirin, kanë bërë zgjedhjen e duhur. Ilirin e kam mik. Më bëhet qejfi te pjesa elitare të marrin trajnerë të mirë, që të bëhet konkurrencë", deklaroi Mema.