Daja konfirmon ofertën: E E vërteta vërteta me me Partizanin Partizanin
“Demat” pazar në Korçë, Olsi Rama: Trajneri i ri është i lirë
Skënderbeu llogarit vetëm fitoren për ballë Partizanit. Edhe pse duket si një ndeshje pa shumë interes kjo e sotmja, ndryshe mendon Ilir Daja. Trajneri thekson se një trepikësh në këtë fundsezon mund të sillte zonën "Euro", nëse do të kombinohej me fitoren e Laçit kundër Teutës. Gjatë konferencës së dhënë për mediat, 53-vjeçari sqaron se e ardhmja e tij është e lidhur ngushtë me vendimin e Gjykatës Federale. Për të parën herë e pranon se ka marrë oferta nga të kuqtë, por duket se nuk janë të vetmit që janë futur në "lojë" për shërbimet e tij . Luhen 90 minutat e fundit për këtë sezon, sa shpresë keni që të kapni vendin që të çon në Europë?
Matematikisht ka ende shpresë. Ajo që duhet të bëjmë ne është të fitojmë, edhe pse kemi një kundërshtar të pozicionuar jo drejt. Meqë nesër (sot) është dhe mbyllja e kampionatit, do të donim të merrnim fitore për t'ia dhuruar tifozërisë korçare. I kemi ndierë dhe gjatë kësaj kohe që nuk kanë qenë në stadium për shkak të pandemisë. T'ia dhurojmë fitoren qytetit të Korçës dhe të mbyllim sezonin, megjithëse kemi pasur oshilacione.
Kjo do të thotë se përballë Partizanit do të luani për fitore?
Nesër (sot) kemi ndeshjen e
fundit. Ua kam kërkuar dhe lojtarëve, gjej rastin t'i përshëndes për kampionatin që kanë bërë, me gjithë vështirësitë që pati. Që edhe dihen, jo tërmeti apo pandemia. Oshilacionet e Skënderbeut kanë qenë të vogla, sepse që nga janari e këtej kemi pasur rezultate pozitive
më shumë se para pandemisë. Gjykata Federale po e vonon vendimin e saj. Daja dhe të tjerët a kanë kohë për të pritur?
Kemi pritur përgjigjen nga Gjykata Federale. Jam trajner i Skënderbeut dhe ndihem mirë këtu, sepse Korça nën drejtimin tim ka pasur rezultate historike. Disa mbase e kanë harruar që është i vetmi ekip në UEFA që bashkë me një ekip izraelit, i kemi kaluar të katërta raundet drejt grupeve nga dy herë. Partizani duket se ka "trokitur" për shërbimet e Ilir Dajës. Mund të quhet e mbyllur kjo çështje?
Duke pasur gjithë këto rezultate, është e vështirë të flasësh për veten. Nuk ka trokitur Partizani, por dhe klube nga kampionati shqiptar dhe jashtë tij. Por u kam dhënë të njëjtën përgjigje: po pres vendimin nga Gjykata Federale dhe pastaj do të mësojmë se ç'do bëhet me Ilir Dajën dhe
Skënderbeun.
Pra, me vendim negativ Daja shkon te Partizani?
Dënimi ka ardhur në një kohë që unë nuk kam qenë te Skënderbeu, por duke u vonuar vendimi më është dashur që ta motivoj ekipin. E kam thënë dhe e përsëris, dënimi i Skënderbeut do të jetë një dëm i madh jo vetëm për Korçën, por edhe për futbollin shqiptar. Pa shumë diplomaci, mund të na e thoni a do të jeni pjesë e të kuqve sezonin e ardhshëm?
Atëherë, me shumë diplomaci. S'kam pse iki, nesër (sot) kam ndeshjen me Partizanin. Pastaj të flasim. Do të vlerësoj ofertat, por primare është përgjigjja nga Gjykata Federale. Kjo nuk është pjesë e imja, pasi vendimi duhet të dilte në fillim të korrikut. Por e vonoi pandemia. Nesër (sot) drejtoj fanellën kuqebardhë kundër të kuqes.