Mbledhja e 20 korrikut, KOKSH zbardh 12 miratimet

Komiteti Olimpik Kombëtar Shqiptar së fundmi ka zbardhur edhe vendimet e mbledhjes së Komitetit Ekzekutiv që u zhvillua më 20 korrik 2020. Me anë të një publikimi në faqen e saj zyrtare KOKSH bën të ditur 12 vendimet e marra gjatë takimit "online" në platformën "Zoom". Ja njoftimi i plotë i bërë nga KOKSH:

"Nga mbledhja e Komitetit Ekzekutiv të KOKSH zhvilluar dt. 20/07/ 2020, në platformën "online Zoom", u morën vendimet si më poshtë: Miratimi i procesverbalit nr.3 i mbledhjes së kaluar.

1. U miratua vijimi për kryerjen e auditimit të vitit 2019 nga shoqëria Lireng Auditing sh.p.k.

2. U vendos që administrata e KOKSH të përgatisë projektet për aplikim në EOC.

3. Miratimi i kontratës e re për shërbimet e Vodafone Albania sh.a ndaj KOKSH.

4. Kërkesat e Federatave për mbështetjen e sportistëve t'i kalojnë Komisionit Teknik.

5. Komiteti Ekzekutiv la porosi për përgatitjen e kritereve për zgjedhjen e dy anëtarëve që do të përfaqësojnë KOKSH në Komitetin Teknik për ndryshimet statutore.

6. U miratua pjesëmarrja në Festivalin Olimpik Rinor Europian Dimëror EYOF "Voukatti 2021".

7. U vendos për mospjesëmarrjen në Asamblenë e Përgjithshme zgjedhore të ENGSO.

8. U miratua aplikimi në AFCNO për vullnetar francez në KOKSH për vitin 2021.

9. U miratuan pagesat për kuotat e anëtarësisë në organizatat ndërkombëtare ku aderon KOKSH.

10. Miratimi për pagesën e abonimit në platformë "online" deri në dhjetor 2020.

11. U miratuan kërkesat për trajnimin dhe kualifikimin e anëtarëve të stafit të KOKSH Lunada Met'hasani dhe Kliton Muça.

12. U vendos të përgatitet një plan i detajuar me datat për ecurinë e zbatimit të rezolutës deri në fund të vitit 2020".