Duka: Hysaj, i ngjashëm me Gatuzon
Armand Duka, i cili është njëkohësisht edhe anëtar i Komitetit Ekzekutiv në UEFA, ka folur në lidhje me ndeshjen e Ligës së Kampioneve, mes Barcelonës dhe Napolit, e cila është planifikuar të luhet në "Camp Nou", diçka që nuk është pritur mirë nga italianët. Duka është shprehur se ndeshja do të zhvillohet sipas parashikimit dhe nuk ka zhvillime të reja, edhe pse i ka dhënë të drejtë presidentit të Napolit. Nuk mund të mos fliste për Hysajn, teksa ka thënë se zgjidhja e shkëlqyer do të ishte rinovimi me Napolin.
- "De Laurentis ka të drejtë të mos dëshirojë të luajë në 'Cam Nou' pasi ka dëgjuar në media mbi situatën e Koronavirusit atje. Megjithatë, të gjitha ndeshjet e kampionatit në shtëpi Barça i ka luajtur atje dhe tani për tani plani është që ndeshja të luhet në atë stadium. Nuk mendoj se do të ketë diçka tjetër në të ardhmen, pasi gjithçka është nën kontroll".
- "Ky vit nuk ishte normal, të gjitha kampionatet ishin ndryshe. Vendosëm që zgjidhja më e mirë ishte që kampionatet të mbylleshin në fushë".
- "Është e vërtetë që pa tifozët nuk është e njëjta shfaqje, por ne jemi detyruar të marrim këto vendime, më të mirën që mund të merrnim për të ruajtur sportistët, tifozët dhe sportet".
"Rinovimi është një zgjedhje e shkëlqyer. Ka pasur një kampionat të nivelit të lartë dhe ka shënuar një gol kohët e fundit. Mund t'i japë shumë më tepër Napolit. Është mësuar me klubin, me qytetin dhe kalon shumë mirë me Gatuzon pasi ata ngjajnë edhe në karaktere", u shpreh Duka për "Punto Nuovo Sport Show".