Champions, Bajerni tregon muskujt
Gnabri vendosi sfidën me golin e tij, shtyhet debutimi me bavarezët i Leroi Sanesë
Bajerni Mynihut zhvil loi dje testin e parë në pritje të Championsit, duke mundur Olimpikun e Marsejës në fushën stërvitore të kampionëve të Gjermanisë. Skuadra e Flik fitoi me rezultatin e ngushtë 1-0, por edhe edhe pse në një orar të papërshtatshëm për shkak të temperaturave të larta, Bajerni u pa në lartësinë e duhur. Trajneri i rekordmenëve të Bundesligës, ndryshe nga sa pritej, nuk hodhi në fushë nga minuta e parë e lojës blerjen më të re, Leroi Sanenë, pasi 55-vjeçari preferoi të luante me formacionin që me shumë mundësi do të përballet me Çelsin në fundjavën e ardhshme, në Champions.
Ndeshja - Kampionët e Gjermanisë u panë qartë se nuk deshën që të humbnin shumë kohë me Marsejën, përkundrazi, që në sekondat e para morën në kontroll ndeshjen dhe madje kaluan edhe shumë shpejt në avantazh. Gnabri, në minutën e 19-të vendosi që me një askion personal të arrinte të depërtonte në zonën franceze, duke goditur saktë drejt portës së Mandandës. Levandovski gjithashtu kërkoi të dyfishonte shifrat, por pa sukses. Në shumë momente, Bajerni u duk sikur nuk e kishte ndërprerë për asnjë moment kampionatin,
duke treguar një rendiment të lartë loje. Kjo në fakt ishte edhe ajo që kërkonte Hansi Flik para takimit të dytë me blutë e Londrës. Hernandez, Kutinjo, Koman, Toliso dhe Zyle ishin përforcimet e Bajernit në pjesën e dytë. Në 20 minutat e fundit të ndeshjes, ishin
francezët ata që morën lojën nën kontroll duke e rrezikuar jo pak portën e Manuel Nojerit. Pranë golit për Bajernin ishte edhe holandezi Zirkze, por goditja e tij kaloi ngjitur me shtyllën pingule, ndërsa pjesa e mbetur e takimit nuk solli asnjë zhvillim. Bajerni mori një fitore të ngushtë pa shumë shqetësime ndaj një kundërshtari, i cili e vuri pak në vështirësi. Ndeshja u gjykua nga një prej arbitrave më të mirë në Gjermani, Feliks Bryzh. Ky i fundit ishte gjithashtu në "fazë përgatitore", në pritje për të gjykuar ndeshjet e ardhshme të Champions-it.