Barça, Setien: Ndeshja e fundit? As nuk e mendoj
"Kemi pasur kohë ta përgatisim, skuadra është thuajse e zgjedhur"
uk e kam menduar për asnjë moment që kjo do të jetë ndeshja ime e fundit në stolin e Barcelonës". Në prag të ndeshjes së kthimit të 1/8-ave të Ligës së Europës ndaj Napolit, gazetarët kanë qenë të drejtpërdrejtë me Kike Setienin, i cili luan jo vetëm biletën e çerekfinaleve të Lisbonës, por edhe vazhdimësinë në stolin katalanas. "Jam i qetë dhe punoj me idenë se do të vazhdojmë me të njëjtën energji dhe entuziazëm deri në finalen e madhe të Portugalisë", është shprehur me optimizëm pasardhësi i Ernesto Valverdes, që duket të ketë gjetur besimin pas fitores 5-0 ndaj Alaveshit në javën e fundit të La Ligës, e mbi të gjitha pasi ka mundur të punojë më në fund me qetësi pas "turit të forcës" me 11 ndeshje të luajtura në 40 ditë.
SKUADËR E ZGJEDHUR
- Duket t'i kenë bërë mirë Setienit dy javët e plota të kaluara nga fundi i kampionatit. Pamje dukshëm më e shtendosur dhe, duke dëgjuar fjalët, besim i rigjetur: "Kishim nevojë për pushim pas shumë ndeshjesh. Ishim të lodhur. Tani kemi rikuperuar tonifikimin, jemi çlodhur dhe jemi gati të përballojmë ndeshjen e nesërme (sotme)". Koha është shfrytëzuar edhe për të stabilizuar me kujdes planin për të sfiduar Napolin, duke llogaritur mungesat me peshë të Busketsit dhe Vidalit, por edhe të Dembelesë: "Skuadra është praktikisht e zgjedhur prej disa ditësh. Pozicioni i ndonjë lojtari mund të ndryshojë gjatë ndeshjes në ndonjë situatë të caktuar, por formacioni është i ndërtuar". Nuk do të mund të jetë as "rebeli" Artur, i cili është vetëpërjashtuar dhe ka shprehur zgjedhjen për të mos u paraqitur në stërvitje: "I fola përpara se të largohej. Nga ajo herë nuk kemi pasur më kontakt. Do të kisha preferuar një tjetër situatë, por shkoi kështu".
- Ku është përmirësuar Barça që nga shkurti? "Në shumë aspekte, - është përgjigjur Setien. - Na mungonte fillimisht vazhdimësia në disa veprime që zakonisht kryejmë me thjeshtësi. Është një proces gjithmonë i vazhdueshëm. Nuk përballesh gjithmonë me të njëjtit kundërshtarë, çdo herë ndryshon. Identitet i ri? Jo, identiteti nuk është humbur. Të gjithë kemi dëgjuar për ADN-në dhe filozofinë e Barçës, ndërsa nuancat që
PËRMIRËSIMET
sjell çdo trajner janë diçka tjetër. Që nga momenti kurë unë dhe stafi im kemi marrë kontrollin e skuadrës, kemi mësuar se çfarë do të thotë të jesh Barça. Jemi të lumtur nga aspektet e lojës që kemi ndërtuar, megjithatë përpiqemi të përmirësohemi ditë pas dite".
Trajneri i Barçës në përfundim u ka kushtuar disa lëvdata rivalëve: "Napoli është një skuadër e përmirësuar shumë krahasuar me ndeshjen e vajtjes. Kanë shumë cilësi, dinë të bëjnë gjithçka mirë. Gatuzo ka arritur t'i gjejë skuadrës stilin
OPTIMIZËM -
e duhur. Është false të thuash se janë një ekip mbrojtës, e kemi studiuar Napolin thellësisht. Kanë lojtarë shumë të zotë, janë një kundërshtar i ndërlikuar". Pavarësisht respektit të madh për Mertensin me shokë, Setien beson te kualifikimi në fazën e ardhshme:
"Kemi punuar mirë. Nuk mund të them se do të fitojmë me siguri, por paraqitemi për të luajtur mirë dhe për të fituar. Kemi bërë gjithçka që kemi brenda mundësive për të zhvilluar një paraqitje të madhe. Kemi motivime të mëdha dhe një sulm ëndrrash".