Snobuan Kupën, FSHF-ja gjobit Ngonë e Karabecin
FSHF-ja ka penalizuar klubin e Tiranës dhe 3 lojtarët bardheblu me 80 mijë lekë të rinj gjobë. Në vendimet e fundit të publikuara nga Komisioni i Disiplinës, 25 herë kampionët e Shqipërisë janë gjobitur me 50 mijë lekë të rinj për mosrespektimin e ceremonisë së dhënies së medaljeve dhe ngritjes së Kupës së Shqipërisë në datën 2 gusht.
Përveç klubit, FSHF-ja ka gjobitur me 10 mijë lekë të rinj secilin prej 3 lojtarëve të Tiranës Majkëll Ngo, Erando Karabeci dhe Ismael Dunga. Penalizime kanë marrë futbollistët Vesel Limaj (Kukësi) dhe Klaus Alinani (Luftëtari) si dhe zyrtari i Bylisit Gazmend Hoxhaj. Ata janë dënuar me 2 ndeshje pezullim për sjellje antisportive në ndeshjet e javës së fundit të Kategorisë Superiore.
Lojtari i KF Luftëtari, Klaus Alinani, për sjellje josportive ndaj kundërshtarit, dënohet me 2 (dy) ndeshje pezullim nga aktiviteti futbollistik.
2. Lojtari i FK Kukësi, Vesel Limaj, për sjellje josportive ndaj kundërshtarit, dënohet me 2 (dy) ndeshje pezullim nga aktiviteti futbollistik.
3. Zyrtari i KF Bylis, Gazmend Hoxhaj, për protestë ndaj zyrtarit të ndeshjes, dënohet me 2 (dy) ndeshje pezullim nga aktiviteti futbollistik.
4. SHS Albpetrol, për tentativë të braktisjes së ndeshjes "play-off" kundër Maliqit, dënohet me gjobë në masën 50.000 (pesëdhjetë mijë) lekë. Në zbatim të Nenit 116/1/b të KDS gjoba të aplikohet në masën 20%.
5. Lojtari i SHS Albpetrol, Xhonosan Asimetaj, për sjellje josportive ndaj zyrtarit të ndeshjes, dënohet me 4 (katër) ndeshje pezullim nga aktiviteti futbollistik.
6. KF Tirana, për mosrespektim të ceremonisë së dorëzimit të trofeut në ndeshjen finale të Kupës së Shqipërisë, duke shkelur parimet "Fair-Play", dënohet me gjobë në masën 50.000 (pesëdhjetë mijë) lekë.
7. Lojtari i KF Tirana, Michael Ayodeji Ngoo, për mosrespektim të ceremonisë së dorëzimit të trofeut në ndeshjen finale të Kupës së Shqipërisë, dënohet me gjobë në masën 10.000 (dhjetë mijë) lekë.
8. Lojtari i KF Tirana, Ismael Salim Dunga, për mosrespektim të ceremonisë së dorëzimit të trofeut në ndeshjen finale të Kupës së Shqipërisë, dënohet me gjobë në masën 10.000 (dhjetë mijë) lekë.
9. Lojtari i KF Tirana, Erando Karabeci, për mosrespektim të ceremonisë së dorëzimit të trofeut në ndeshjen finale të Kupës së Shqipërisë, dënohet me gjobë në masën 10.000 (dhjetë mijë) lekë.
10. FC Kinostudio U17, për dështim në përmbushjen e përgjegjësive, dënohet me gjobë në masën 100.000 (njëqind mijë) lekë. Gjoba të aplikohet në masën 3%.
11. Lojtari i FC Kinostudio U17, Akil Martincanaj, për sulm ndaj kundërshtarëve, dënohet me 5 (pesë) ndeshje pezullim nga aktiviteti futbollistik.
12. Lojtari i FC Kinostudio U17, Ergest Kryeziu, për sulm ndaj kundërshtarëve, dënohet me 5 (pesë) ndeshje pezullim nga aktiviteti futbollistik.
13. Lojtari i FC Kinostudio U17, Rinaldo Caushllari, për sulm ndaj kundërshtarëve, dënohet me 5 (pesë) ndeshje pezullim nga aktiviteti futbollistik.
14. Lojtari i A.F.DEAN U-17, Stiven Shuli, për sulm ndaj kundërshtarëve, dënohet me 5 (pesë) ndeshje pezullim nga aktiviteti futbollistik.
15. Lojtari i A.F.DEAN U-17, Marvi Elezi, për sulm ndaj kundërshtarëve, dënohet me 5 (pesë) ndeshje pezullim nga aktiviteti futbollistik.
16. Lojtari i A.F.DEAN U-17, Florenc Haka, për sulm ndaj kundërshtarëve, dënohet me 5 (pesë) ndeshje pezullim nga aktiviteti futbollistik.