Lukaku: Çfarë futbollisti Barela!

Sulmuesi sheh Ronaldon, Militon e Etonë dhe i përulet shokut: Nuk isha unë më i mir

Romelu Lukaku, kam pion brenda dhe jas htë fushe. Jo vetëm goleador dhe rekordmen, por edhe shumë i përulur, që e bën edhe më të rëndë dhe me të rëndësishme figurën e këtij bomberi që Interit i kishte munguar prej kaq shumë vitesh. Futbollisti belg, i cili edhe dje ishte vendimtar për zikaltrit, për të kaluar në gjysmëfinalet e Ligës së Europës, u zgjodh si lojtari i ndeshjes, por vetë Lukaku nuk ishte dakord me vendimin e UEFA-s. “Rekordet e golave janë gjithmonë shumë të bukura, por për ne ishte më e rëndësishme fitorja. Leverkuseni është një skuadër shumë e mirë. Ndaj tyre bëmë një paraqitje përgjithësisht pozitive, ndonëse edhe njëherë tjetër gabuam shumë raste. Siç thotë trajneri ynë, duhet të mësojmë t’i mbyllim më shpejt takimet. Unë më i miri i ndeshjes? Faleminderit për çmimin, por unë nuk e mendoj si ju. Njeriu i ndeshjes ishte Barela. Çfarë futbollisti fantastik. Ai po rritet dita-ditës dhe është vërtet një kampion, vazhdon Lukaku, i cili pranon se po kalon një moment pozitiv, si nga ana fizike, ashtu sikurse edhe nga ajo psikologjike. – Jam në një moment paqeje dhe vetëbesimi. Por duhet të ndihemi të fortë dhe të sigurt si skuadër, sepse tashmë çdo rast vlen për të arritur dhe për të ngritur trofeun. Duhet të mësojmë të jemi më të ligj përpara portës, sepse na ndajnë vetëm dy ndeshje nga trofeu dhe ne duam që t’i shkojmë në fund, por duke menduar ndeshje pas ndeshjeje. Tani të rikuperojmë sa më mirë dhe të bëjmë një gjysmëfinale të denjë prej Interi”, tha

pas ndeshjes lideri i sulmit të Interit, Romelu Lukaku.

Rekordet e “Big Rom” – Për sa u përket golave, belgu shënoi dje golin e 31-të sezonal. Me këtë shifër, ai kaloi “Princin” Diego Milito në sezonin e tripletës (30 gola), por fut në shënjestër Ronaldo da Limën, që në sezonin 19971998 realizoi 34 herë. Për momentin, i pakapshëm duket Samuel Eto, i cili në 2010-2011ën realizoi 37 herë për Interin, por në futboll kurrë mos thuaj kurrë... Por mbi të gjitha, goli i realizuar dje nga Lukaku vlen për barazimin e një rekordi europian që zgjaste prej plot 15 vitesh. Në sezonin 2004-2005, anglezi Alen Shirer shënonte prej 9 ndeshjesh radhazi në Europë dhe “Big Rom” e kapi ish-bomberin e Njukasëllit, pas golit të radhës ndaj Leverkusenit. Dhe tashmë, me gjysmëfinalen dhe pse jo me finalen e Ligës së Europës në horizont, gjiganti 27-vjeçar mund ta thellojë dhe ta bëjë personal rekordin e golave në arenën kontinentale.