Pioli: 2020-ta ishte viti i Milanit, Ibra më ndihmoi
Iu anuluan 2 penallti, ekipi i Kontes mposht edhe VAR-in
Një Inter joperfekt, por cinik, kalon me rezultatin 2-1 Bajer Leverkusenin dhe meriton gjysmëfinalen (në Kupat europiane nuk ia dilte që nga viti i “Tripletës”) e Ligës së Europës e programuar për të hënën e ardhshme, gjithmonë në Dyseldorf. Kundërshtari do të dalë nga sfida e sotme e Shahtjor-Bazel. Sfidën për skuadrën e Kontes e vendosin Barela dhe Lukaku, lojtarë simbol edhe për nga mënyra si luftojnë deri në minutat e fundit. “Aspirinave” të Bosh nuk u mjafton një shkëndijë e yllit Haverc në një ndeshje që do të përfundojë në arkiva edhe për dy ndeshjet që kryesori Del Çerro Grande akordon penallti dhe më pas ua anulon zikaltërve pasi konsultimit me VAR-in.
TRE GOLA NË 24’ - Ndodhin nga të gjitha në pjesën e parë, që nga starti i ndeshjes. Interi niset me kokën e ulur dhe gjen golin e avantazhit pas një aksioni të organizuar mirë nga zikaltrit: Jang gjen Lukakun në zonë, belgu kontrollon topin me shpatulla nga porta, sfera i merret por përfundon te Barela, i cili e ndal dhe me një goditje nga jashtë zone mposht Hradeckin. Manovër identike e Interit në të 21-ën: këtë herë pasimi i Jang shndërrohet në asist për Lukakun, që këtë herë kthehet dhe pavarësisht se duke humbur ekuilibrin dërgon topin në rrjetë. Skuadra e Kontes duket totalisht zotëruese e fushës (Hradecki shpëton një tjetër rast të Lukakut), por kur Lautaro me shokë ende po festonin për golin e dytë, Leverkusen shkurton diferencën me Haverc: goli i 18-të sezonal për “xhevahirin” e Bajerit, që shfrytëzon një naivitet të mbrojtjes zikaltër. E nuk ka
mbaruar këtu: në të 27-ën një top me dorë në zonën gjermane i vlen Interit një penallti që Lukaku merr përsipër të godasë, por në sallën e VAR-it shikojnë që prekja e Sinkgraven në fakt ishte me dorë dhe jo me shpatull. Në të 37-ën nuk mbyllet një kombinim mes
Lukakut dhe Lautaros, me argjentinasin që kapet në pozicion jashtë loje. Interi mbyll në sulm 45 minutat e para, ku u regjistruan në total tre gola për 24 minuta. TOPI GJERMANËVE Pjesa e dytë në Dyseldorf nis pa zëvendësime. Menjëherë mbrojtja gjermane bllokon tentativat e Galjardinit dhe Lukakut, me Interin që arrin menjëherë të prodhojë një presion të madh sulmues. Sërish Galjardini i rrezikshëm me një goditje të devijuar në momentin vendimtar nga Tah; ndërsa Tapsoba frenon një goditje të Lukakut. Nga zikaltrit D’Ambrozio, Galjardini dhe Lautaro i lënë hapësirë Mozesit, Eriksenit dhe Sançezit. Menjëherë një rast i rrezikshëm i kilianit: dalja e vrullshme e Hradeckit shpëton portën e “Aspirinave”. Në krahun tjetër rrezikoi shumë pak skuadra e Kontes në minutat finale të ndeshjes, edhe falë daljeve shpëtimtare të Handanoviçit që kthyen prapa sulmet e fundit të gjermanëve. Protagonist edhe një herë VAR-i, që i anulon sërish një penallti Interit pasi gjatë aksionit pati një prekje me dorë të Barelës. Por gjithmonë nëse nuk vuan, nuk është Interi...