Zikaltrit, në një gjysmëfinale europiane pas dhjetë vitesh
Pasi eliminoi Leverkusenin në Ligën e Europës, të hënën Interi do të përballet me Shahtjorin në gjysmëfinale. Një ndeshje teke, e cila do të vendosë finalisten e turneut të dytë më të rëndësishëm të Europës. Më poshtë janë shifrat dhe kuriozitetet e ndeshjes.
- Interi do të luajë në një gjysmëfinale të një kompeticioni europian për herë të parë që prej sezonit 2009-‘10 në Champions, kur triumfonte. Në total është hera e tetë që skuadra italiane arrin një gjysmëfinale të Kupës UEFA/ Ligës së Europës, më shumë se çdo klub tjetër. - Precedenti i vetëm mes Interit dhe Shahtjorit është në fazën e kualifikueseve të Ligës së Kampioneve 2005-‘06, kur italianët fituan me rezultatin e përgjithshëm 3-1.
- Që kur u rrëzua nga Liga e Kampioneve në Ligën e Europës, Interi i ka fituar të katërta ndeshjet në këtë turne këtë sezon, dhe nuk bën pesë fitore radhazi në kompeticionet europiane (përjashtuar kualifikueset) që prej prillit 2010 (6), kur arrinte në finalen e Champions-it.
- Ukrainasit mund të arrijnë finalen tyre të dytë europiane, pas asaj në Kupën UEFA në 2008-‘09, kur eliminuan Dinamon e Kievit në gjysmëfinale dhe mposhtën Verder Bremenin në finale.
- Në çerekfinale Romelu Lukaku u bë futbollisti i parë në historinë e Kupës UEFA/Ligës së Europës që shënonte në 9 ndeshje radhazi, falë një serie të nisur në nëntor 2014 me Evertonin. Sulmuesi belg ka vendosur këmbën e tij në 15 gola në 9 ndeshjet e tij të fundit në Ligën e Europës (12 gola të shënuar dhe 3 asiste).
- Zhunior Moraesh ka marrë pjesë në 7 gola, në shtatë ndeshjet në Ligën e Europës me Shahtjor Donjeckun (5 gola të shënuar dhe 2 asiste), të gjitha këto në fazën me eliminim direkt nga kompeticioni. Interi është i paralajmëruar.