FIFA & UEFA: Pro kërkesave të Ligës
"Duhet mbështetje ligjore për futbollin, thirrje qeverisë e FSHF-SË që të gjejnë zgjidhje"
Pak javë më parë, UEFA ishte shumë diplomatike në përgjigjen e dhënë për "Panorama Sport" në lidhje me bojkotin e ekipeve të Kategorisë Superiore. Dje, UEFA dhe FIFA kanë reaguar me një letër drejtuar FSHF-SË në lidhje me kërkesat që kanë bërë klubet e futbollit, mbështetur edhe nga institucioni i futbollit në vend, drejtuar qeverisë. Në letrën e drejtuar sekretarit të përgjithshëm të FSHF-SË, FIFA dhe UEFA shprehen qartësisht pro kërkesave të klubeve dhe bëjnë thirrje që futbolli në çdo moment kërkon një shtrat ligjor të përshtatshëm si dhe mbështetje të rëndësishme për vetë situatën dhe sakrificën për shkak të pandemisë. Në letër theksohet se FIFA dhe UEFA mbështesin krijimin e një kuadri rregullator që mbështet zhvillimin e futbollit. Në fund, FIFA e UEFA nxisin bashkëpun
imin mes qeverisë dhe FSHFSË për të gjetur një zgjidhje të menjëhershme për kthimin e futbollit, duke theksuar edhe se zhvillimet dhe sukseset e FSHF-SË do të kenë vazhdimësi edhe me mbështetjen e dy qeverive të futbollit. LETRA E PLOTË
"I dashur sekretar përgjithshëm,
Jemi vënë në dijeni të letrës i suaj të datës 21 shtator 2020 në lidhje me situatën e Kategorisë Superiore në Shqipëri dhe vendimin për të bojkotuar nisjen e sezonit 2020-'21.
Ne e kuptojmë se ky vendim, i cili mbështetet nga FSHF-JA, vjen si pasojë e refuzimit aktual të qeverisë shqiptare për të miratuar një sërë reformash kryesore në kuadrin ligjor, që prek klubet e futbollit profesionist në vendin tuaj.
Siç e dini, FIFA dhe UEFA në përgjithësi inkurajojnë krijimin e një kuadri rregullator kombëtar gjithëpërfshirës, që mbështet zhvillimin e futbollit në të gjitha nivelet. Rëndësia e ruajtjes së një marrëdhënieje të ngushtë dhe konstruktive të punës midis organeve të futbollit dhe autoriteteve qeveritare (në përputhje me të drejtat dhe përgjegjësitë e tyre përkatëse) nuk ka nevojë të mbivlerësohet. Kjo vlen veçanërisht për sfidat e pashembullta që ka përjetuar futbolli si rezultat i ndikimeve të 'COVID-19'. Këto sfida kërkuan - dhe vazhdojnë të kërkojnë - një nivel të jashtëzakonshëm bashkëpunimi.
FIFA dhe UEFA nxitin qeverinë shqiptare dhe FSHFNË të gjejnë zgjidhje të arsyeshme dhe të përshtatur për kërkesat e klubeve shqiptare të futbollit në mënyrë që sezoni të fillojë pa shtyrje të mëtejshme. Në këto kohë të vështira, fuqia e futbollit për të sjellë gëzim, frymëzim dhe shpresë për njerëzit duhet të mbështetet plotësisht.
Së fundmi, ne e shfrytëzojmë këtë mundësi për t'u dhënë një vlerësim të veçantë sukseseve të fundit të FSHFSË në fusha shumë të rëndësishme, si zhvillimi i futbollit të fëmijëve, infrastruktura, futbolli i femrave, zhvillimi teknik dhe menaxhimi i mirë.
Ne shpresojmë të punojmë ngushtësisht me ju për të mbështetur edhe më tej zhvillimin e futbollit në Shqipëri. Ju mund të mbështeteni në mbështetjen tonë absolute për përpjekjet tuaja.
Ne qëndrojmë në dispozicionin tuaj të plotë nëse keni nevojë për ndonjë ndihmë të mëtejshme", citohet në letrën që FIFA dhe UEFA kanë sjellë në zyrat e FSHF-SË në lidhje me bojkotimin e futbollit.