Qeveria dhe sporti “bëhen bashkë”, Napoli e pëson prej... Milanit
De Laurentis kërkon shtyrje të vendimit, kërcënon me KAS
J uventus-napoli tashmë është shndërruar në një çështje shtetërore, pas mosprezantimit të të kaltërve, në "Allianz Arena", sipas kalendarit të Serisë A, të dielën në mbrëmje. Për këtë arsye, në lëvizje është vënë menjëherë dje ministri i Sporteve në Itali, Vinçenco Spadafora, i cili ka pasur dy takime me dy organet "ligjzbatuese" të futbollit, Ligën e Serisë A dhe Federatën Italiane të Futbollit. Pas takimeve me presidentët respektivë, Paolo Dal Pino dhe Gabriele Gravina, kryefjala ka qenë e njëjta, edhe pas lajmeve se ndoshta klubet, me Napolin në krye, mund të kërkojnë një ndryshim të protokollit të shëndetësisë. "Dua të konfirmoj se protokolli është shumë i qartë dhe nuk ka asnjë shans që të ndërrohet. Pa dyshim që ASL-TË (Agjencitë Sanitare Lokale) kanë peshën e tyre në urdhrat që zbatojnë, ndonëse janë nën varësi të CTS-VE (Këshillit Teknik Shkencor Mjekësor), të cilët kanë aprovuar protokollin që klubet janë të detyruara të zbatojnë, por edhe ASL-TË duhet të zbatojnë hierarkinë. Me presidentin e Ligës Dal Pino bëmë një situatë të panoramës së përgjithshme, ndërsa me presidentin Gravina folëm edhe për ngjarjen e Juventus-napoli, për të mos krijuar një precedent delikat. A do konfirmohet fitorja 3-0 në tavolinë për Juven? Këtë e vendos gjykatësi sportiv, ai është disiplinori i sportit", tha Gravina.
PRECEDENTI MILAN Sipas programit, gjykatësi sportiv, i cili duhet të shprehet zyrtarisht për fitoren në tavolinë të Juventusit, duhet të mblidhet ditën e sotme. Nga ana tjetër, presidenti i Napolit, Aurelio De Laurentis, ka kërkuar që vendimi të mos merret sot, por të pritet të paktën deri në fund të javës, që të ballafaqohen të gjitha faktet. Por nëse kjo nuk ndodh, De Laurentis kërcënon se do e apelojë jo vetëm në Itali, por
mund ta çojë çështjen direkt në KAS. Por ndërkohë, një precedent që duket se e vë Napolin me shpatulla pas muri është ai i Milanit... Pikërisht kështu... Pas pozitivitetit të Ibrës dhe Leas në radhët e kuqezinjve, ASL-JA e Milanos kishte provuar të frenonte kuqezinjtë që të udhëtonin në Krotone, për të luajtur ndes
hjen. Por ndryshe nga ASL-JA e Napolit, ajo e Milanos kontaktoi Ligën e Serisë A për vendimin e saj, por përgjigjja ka qenë që ndeshja të luhet sipas kalendarit dhe në zbatim të protokollit. Dhe ky precedent nëse nuk e tremb Napolin, do të jetë karta që Juventusi mund të përdorë nëse nuk i jepet fitorja në tavolinë.