Vidal motori i Interit, për Konten është jetik
Sensi hyn nga stoli dhe dështon, Eriksen qëndron në stol
Trekëndëshin po, e kishte konsideru ar. Me shpirtin e Kantesë, edhe pse merkatoja që u mbyll dje, Kantenë nuk ia dhuroi. Atëherë do të duhet të organizohet në një tjetër mënyrë. Antonio Konte ka qenë mesfushor dhe si i tillë arsyeton, kur për lojtarët e tij në atë rol thotë: “Po i mësoj të luajnë në të tria pozicionet. Na pret një vit i lodhshëm, duhet të tregohemi polivalentë”. Polivalent, siç ishte ai, i dobishëm, vendimtar dhe i domosdoshëm në çdo fazë e çdo centimetër të fushës. Atë çfarë Konte të dielën mori për një kohë të gjatë nga Barela, Vidal dhe Galjardini, trekëndëshi që kishte marrë ndeshjen nën kontroll, përpara se t’i shpëtonte nga duart.
DERISA MBAN ARTURO... – Pika e parë: Cilat janë tri pozicionet për të cilat flet Konte? “Shkatërrues”, qendror (në rast rikthimi te 3-5-2) dhe pas sulmuesve. Trekëndëshi i së dielës mbajti deri kur Vidal u detyrua të largohej nga fusha, për limite fizike të
arritura. Kiliani ia la pozicionin Barelës, u vendos përpara mbrojtjes, pas 15 minutash rrëmbeu topin nga këmbët e një kundërshtari dhe rinisi aksionin. Atëherë është e mundur, pyeti bota interiste? Vidal është shembulli perfekt i
mesfushorit polivalent, edhe pse ndjesia është që Konte do ta ketë të vështirë ta heqë nga pozicioni i “shkatërruesit”, roli perfekt për Barelën. Konte do ta bëjë shembull në videoanalizat: interpretim perfekt, vazhdimësi rendimenti në
harkun e 90 minutave, dopiofazë për manual.
NOTA TË STONUARA – Megjithatë, në pozicionin e fantazistit do të nevojiten Sensi ose Eriksen. Në mesfushën e lëvizshme lexohet edhe ndonjë lajm i keq: Disa raste
të shpërdoruara dhe të tjera as të nisura. Për shembull, me një lojtar më shumë, në presingun final, Interi kishte një nevojë të madhe për Sensin, motor gjithmonë i paparashikueshëm. U dërgua në fushë për t’i shtuar dinamizëm një mesfushe me muskuj, por shumë shpejt gjithçka shkoi dëm. Kundër Lacios, “tradhtoi” në momentin e nevojës. Do të mungojë në derbi, nuk do të jetë ai personi që Konte do ta vendosë si fantazist kundër Piolit. Treguesit e fundit bëjnë të mendohet se nuk do të ketë shanse as për fantazistin tjetër puro: Eriksenin. Me Lacion qëndroi në stol nga fillimi, kur Konte preferoi Barelën. Qëndroi i ulur edhe kur nevojitej të fshihej topi, kur Lacio po fitonte kurajë. Edhe në fund, kur zikaltrit po tentonin në limite përmbysjen si me Fiorentinën. Nga pesë zëvendësimet në gatishmëri, asnjë mundësi për danezin. Ndërkohë që Konte shpërbën dhe rindërton mesfushën, stërvit mesfushorët për çdo skenar, Eriksen qëndron jashtë, nuk po gjen sistemim.