Salihamixhiç: Me Duglasin jemi shumë më të fortë
Bajerni i Mynihut mund të quhet pa frikë mbreti i merkatos në Gjermani. Kampionët e Bundesligës nisën merkaton duke sjellë në Mynih Leroi Sanenë dhe Aleksandër Nybelin dhe Kousasin për të vazhduar me goditjet e orëve të fundit para përfundimit të merkatos. Erik Çupo Moting, Bouna Sarr dhe Duglas Kosta. E gjithë kjo për meritë të drejtorit sportiv, Hasan Salihamixhiç, i cili tregoi edhe njëherë tjetër gatishmërinë për të sjellë lojtarë cilësorë në skuadër. Trajneri Hansi Flik u shpreh para disa ditësh se priste lëvizje në merkato dhe kështu ndodhi. Vetë Salihamixhiç tha për faqen zyrtare të klubit se ishte i kënaqur me punën që kishte bërë, duke falënderuar drejtuesit më të lartë të klubit. “Mendoj se bërë mirë. Duglas Kosta është një përforcim i rëndësishëm për ne në sulm. Ai së bashku me Leroi Sanenë, Serge Gnabrinë, Xhamal Musialan dhe Kingslei Komanin do të formojnë një sulm të frikshëm, pa harruar edhe Levandovskin. Kjo do t’i japë mundësi zgjedhjeje trajnerit, i cili duhet të përgatitet për një sezon të ngarkuar. Duglas Kosta është një lojtar që e njeh ambientin pasi ka luajtur edhe më përpara me ne, ndaj nuk mendoj se do të jetë e vështirë për të që të përshtatet me lojën tonë. Çupo Moting e njeh gjithashtu Bundesligën pasi në të kaluarën ka qenë pjesë e Shalkes. Ai do të jetë i rëndëkemi sishëm për ne pasi ndeshjet e ngjeshura do t’i lejojnë trajnerit të kryejë rrotacion për të shmangur ngarkesën te lojtarët. Një skuadër e mirë është ashtu pasi ka në stol lojtarë të mirë. Kjo ka qenë gjithmonë motoja jonë”, tha Hasan Salihamixhiç për transferimet e fundit në kampin bavarez.