Serxho Ramos tek Interi, Konte ëndërron gjigantin e mbrojtjes
Spanjolli nuk rinovon me Realin, hapet ankandi
Sfida mes Juventusit dhe Interit nuk do të jetë vetëm në fushën e lojës, por edhe në merkato, duke parë risitë që vijnë nga Spanja në orët e fundit. Mediat iberikase kanë lëshuar së fundmi bombën se Serxho Ramos duket se nuk do të pranojë që të rinovojë më kontratën e tij me Realin e Madridit dhe është gati që pas fundit të këtij sezoni të provojë një eksperiencë të re diku tjetër. Dhe pa dyshim që sa herë dalin lajme të tilla, klubet më të mëdha italiane, por edhe PSG-JA në krye të listës, janë gjithmonë gati që të përfitojnë nga çdo situatë që mund të paraqitet. Por duke mbetur tek informacionet që vijnë nga Spanja, edhe Serxho Ramos duket shumë i joshur nga ideja për të luajtur në Serinë A, aty ku janë protagonistë disa prej mbrojtësve më të fortë në botë dhe ku siç e do tradita, testohen jo vetëm sulmuesit më të mëdhenj në qarkullim, por edhe lojtarët e prapavijës. Prandaj, nëse në ditët e kaluara, në skenë doli menjëherë emri i Juventusit dhe i PSG-SË, revista "Don Balon"
dje ka sjellë në sipërfaqe edhe klubin zikaltër. Trajneri Antonio Konte do të ishte i mrekulluar nga ideja për të punuar me gjigantin e mbrojtjes së Realit të Madridit, i cili përveçse i pakalueshëm në prapavijë, është edhe një snajper në goditjet standarde, sidomos në lojën në ajër, por pa harruar edhe speciështë
alitetin "Panenka" nga pikat e penalltisë. Sipas burimit në fjalë, Serxho Ramos, tashmë 34-vjeçar, jo vetëm që ia ka komunikuar Realit të Madridit dhe trajnerit Zinedin Zidan dëshirën për t'u larguar në fund të sezonit, por ky i fundit i ka dhënë leje, duke parë se tashmë i ka individualizuar pasardhësit e tij: i pari
francezi Jules Kounde (20vjeçar) i Sevijes, ndërsa i dyti është Pau Torres, spanjolli 23-vjeçar i Vijarealit. Dhe nëse gjithçka shkon sipas planeve, jo vetëm Interi dhe Antonio Konte mund të nisin të punojnë dhe të ëndërrojnë në një akord, por në të njëjtën kohë "derbi i Italisë" mund të nisë të shtojë flakët e tij...