Dopio Çupo-moting dhe Myler, Bajerni kursehet në Kupë
Sulmuesi shënon, debutuan Kosta, Nybel, Roka dhe Sarr
Nuk ka asnjë surprizë në ndeshjen e parë të kupës së Gjermanisë për Bajernin e Mynihut që mundi në "Allianz Arena" skuadrën modeste të Dyrenit me rezultatin 3-0. Blerja e re, Çupo Moting shënoi dy herë për kampionët e Gjermanisë të cilët kaluan në turin e dytë të kupës.
PJESA E PARË Ndeshja nisi e qetë për të dyja skuadrat. Ndryshe nga se ç'pritej, skuadra e Dyrenit luajti një futboll sulmues duke mos pasur frikë përballë kampionëve të Gjermanisë dhe Europës. Këta të fundit nisën ndeshjen pa disa prej titullarëve kryesorë të cilët vetëm dje iu bashkuan skuadrës. Ndërkohë, debutuan Nybel, Sarr, Roka, Çupo-moting dhe Duglas Kosta. Rasti i parë i ndeshjes do të regjistrohej vetëm në minutën e 18-të. Maksim Çupo-moting shërbehet saktë nga Myler, por goditja me kokë e sulmuesit të ardhur nga Parisi kalon larg portës së mbrojtur nga Xhakmuth, por gjashtë minuta më vonë ishte Çupo-moting ai që nuk fali nga fare pranë portës duke dërguar Bajernin në avantazh. Bavarezët bëhen zotët e fushës dhe kanë lojën nën kontroll. Në të 36' Sobieh shkakton një penallti që më pas u shndërrua në gol nga Tomas Myler. Mesfushori gjerman nuk gaboi nga pika e bardhë duke mposhtur portierin mik. Në minutën e fundit të pjesës së parë, Duglas Kosta kishte mundësinë të shënonte golin e tretë për Bajernin. Braziliani, pas një aksioni personal, nuk arrin të kalojë dot portierin Xhakmuth që i mohon atij një gol spektakolar. Pjesa e parë u mbyll me avantazhin e Bajernit.
PJESA E DYTË
Në fraksionin e dytë të ndeshjes ishin miqtë nga Dyren ata që provuan ti afroheshin
portës së Nybelit. Ky i fundit ishte thjesht një spektaorë në 45 minuta e para. Në minutën e 64 i shënuan dy raste të pastra për shënim nga Bajerni i Mynihut. Në fillim ishte Çupo Moting, goditja e të cilit u spastrua nga një mbrojtës në vijën fatale dhe rasti dytë ishte një aksion
personal i Musialës. Ky i fundit tribloi në mënyrë spektakolare tri lojtarë brenda zonës por më pas u ndal nga shtylla. 11 minuta më vonë kampionët e Gjermanisë shënuan edhe golin e tretë. Çupo Moting lëshon një predhë me të djathtën duke dërguar topin në cepin e portës së portierit mik i cili e kishte të pa mundur të reagonte. Ndeshja po i afrohej fundit dhe skuadrat duket se ishin pajtuar me rezultatin. Pjesa e mbetur e takimit nuk solli asnjë zhvillim të ri me Bajernin që nuk e vuri në asnjë moment kualifikimin në rrezik.