Kastrioti dhe Apolonia, "paqe" në provën gjenerale
De Silva reagon pas supergolit të Mehmetit
Kastrioti dhe Apolonia, dy skuadrat e ngjitura këtë sezon në Superiore, matën forcat në një miqësore të zhvilluar të shtunën në stadiumin "Redi Maloku" të Fushë-krujës. Kjo ndeshje u cilësua si provë gjenerale, pasi nga të dyja kampet shpresohet që kampionati të nisë këtë javë. 90 minutat u mbyllën 1-1, teksa u zhvillua një pjesë e parë e balancuar, me miqtë nga Fieri që arrijnë të shënojnë të parët një supergol e më pas reagoi ekipi krutan, duke barazuar shifrat. NDESHJA - Fierakët me Gjatën, Ejoh dhe Haxhiun tentojnë të surprizojnë, por pa ndonjë rrezik për portierin Abibi. Loja bëhet më interesante, kur krutanët me
Patrik Bardhin dhe De Silvën i afrohen zonës kundërshtare, por sërish s'ka gol. Një faull në favor të Apolonisë ndryshon rezultatin. Është Ksement Mehmeti ai që nga rreth 25 metra realizon një supergol, duke shtangur Abibin. Avantazhi i miqve zgjat vetëm 7 minuta, pasi është De Silva i cili
përfiton nga një kthim i gabuar i topit nga Sota dhe realizon golin e parë me fanellën e Kastriotit në këtë periudhë. Pjesa e parë nuk ka shumë histori, ndërsa e dyta nis me tjetër "marsh", pasi trajnerët fillojnë të fresokojnë skuadrat me zëvendësime. Kastrioti domi"është non dhe fillimisht është Rezi që sapo futet në lojë jep shkëndijën e parë, por Harizaj është i pakalueshëm. Më pas sulmuesi Spartak Ajazi pati mundësi ideale në dy raste të pastra në harkun e tre minutave, por sërish Harizaj është shpëtimtar. Loja bëhet e bukur, me fierakët
që tentojnë me kundërsulme të zënë në befasi krutanët, por tentativat e Ejo dhe Mihanës, nuk konkretizohen si duhet. Në të 80ën, i riu Silvio Vokrri, pati rastin më ideal të miqësores, pasi vetëm për vetëm me Harizajn, nuk arrijn të shënojë. Kësisoj, gjithçka u mbyll 1-1. BUJAR BALLIU