Kuman: Sikur s’kishte VAR, tentojmë Depajin në janar
Trajneri: Grizman? Kemi shumë lojtarë të mirë
Ronald Kuman lëshoi akuza kundër arbitrimit duke thënë se në ndeshjen e Barcelonës me Getafen mungonte VAR-I. Ai tregoi gjithashtu se në merkaton e janarit do të tentojnë të transferojnë Depajin, i cili është një lojtar shumë i rëndësishëm dhe mund ta ndihmojë Barcelonën në sulm. Kuman foli për të ardhmen, por edhe për Lionel Mesin. PJESA E DYTË - “Nuk u futëm mirë në fushë. Humbëm shumë topa, pësuam disa kundërsulme dhe korne. Nuk e di nëse ishte rasti i penalltisë. Ishte e kërkuar. Ne patëm pak raste dhe më i miri ishte në pjesën e parë. Nuk mund të them asgjë tjetër”. ARBITRI - “Nuk më pëlqen të flas shumë për arbitrat. Nëse shihni ndeshjen, faullet, kartonët... secili mund të japë mendimin e tij. Unë nuk dua. Është një terren i vështirë, por ne tentuam të luajmë”.
BORDALAS - “I thashë që lojtari me numër 12 i Getafes më ofendoi disa herë. Nuk do ta përsëris atë që më tha”.
GRIZMAN - “Kemi shumë kualitet përpara dhe futbollistë si Grizman, Leo apo Fati. Ata mund të luajnë në pozicione të ndryshme”.
VENDIMET - “Nuk e di nëse në këtë ndeshje kishte VAR”.
PEDRI - “Mendoj se ishte mirë. I dhamë pak pushim Kutinjos meqë
ka luajtur shumë. Pedri ka treguar se ka kualitet për të luajtur te Barcelona”.
MERKATO - “Të shohim se çfarë mund të bëjmë në janar. Transferimi i Depajit do të ishte diçka e mirë për klubin. Do të tentoj që ta marrim patjetër sepse është i rëndësishëm. Ne kishim një marrëveshje
me lojtarin dhe kishim bërë të gjitha gjërat e duhura, por rregullat në Spanjë ishin të tilla, që ne duhet të largonim një lojtar për të afruar një tjetër”.
E ARDHMJA - “Nuk mund të përfshihem kurrë në zgjedhjet presidenciale të Barcelonës dhe nuk do të takoj asnjë. Unë jam trajner
për të stërvitur skuadrën dhe do të bëj gjithçka në fushën e lojës. Ata do të vendosin nëse unë do të qëndroj apo do të largohem”. MESI - “E shoh të qetë dhe të motivuar. Kur ai prek topin, është i jashtëzakonshëm dhe më pëlqen që punoj me një futbollist të tillë”.