Kesi: Kemi krijuar një familje, Ibra më i zoti se unë me penalltitë
Mesfushori analizon paraqitjet e kuqezinjve
Përsëri mes më të mirëve në fushë, Frenk Kesi vijon të konfirmohet një lojtar tepër i rëndësishëm për ekonominë e lojës së "Djallit". Pas ndeshjes në "Celtic Park", afrikani ka folur për mediat duke dhënë disa deklarata lidhur me suksesin në fushën skoceze.
Cilin nga shokët preferoni në krah?
Për mua nuk ka problem. Rëndësi ka që kush luan, të japë maksimumin. Sot ia dolëm të marrim një fitore dhe uroj të vazhdojmë sa më gjatë me këtë ritëm sepse po sillemi vërtet mirë.
Çfarë mund të thoni për Ibrën?
Na ndihmon shumë sepse është një kampion. Këshilla dhe ndihma e tij janë në dispozicion të të gjithëve. Shpresoj të luajë sa më gjatë e ta na përkrahë në sfida të tjera.
Sa është rritur kjo skuadër? Futbolli njeh momente të vështira dhe të mira. Ne e kaluam momentin e keq dhe tani ndihemi si një familje ku secili punon shumë për të dhënë kontributin maksimal. Prania e Ibrës në stërvitje ka ndikuar
shumë, por edhe ndihma e trajnerit ka qenë e madhe.
Kur e mori ky Milan kthesën? Ndales për shkak të pandemisë na mundësoi të arrinim një formë të mirë falë së cilës ishim të fortë në fushë. Trajneri u mundua të ndërtonte një familje ku të gjithë të ishim të rëndësishëm, madje edhe ata që luajnë më pak. Pioli është një personazh që di të menaxhojë grupin. Penalltitë dhe golat janë ende ekskluzivitet i juaji?
Unë uroj që të shënoj më tepër sesa në sezonin e kaluar. Edhe nëse dikush tjetër i godet penalltitë, nuk e kam problem, fundja Ibra është një kampion dhe ka saktësi. Unë mund të shënoj edhe pa ndihmën e penalltive.