Shkëndija të Dibalës, a u rikthye “Joya”?
Ato seanca stërvitore me goditje në fund të stërvitjes treguar nga Kieza po u shërbejnë mbi të gjitha më të rinjve, por edhe Paulo Dibalës për të rigjetur veten: procesi i përmirësimit vazhdon dhe jep sinjale shumë inkurajuese. Pas rikthimit titullar dhe golit, Dibala hyri në fazën tre: atë të rikuperimit të magjisë. Asistime thembër pas së cilit Kieza zhbllokoi rezultatin është një moment që i lë të gjithë gojëhapur. Ky është Dibala i vërtetë, kjo është ajo çka ai mund të japë, këto janë magjitë e tij që mund të hapin një ndeshje. Asisti i dytë, më i zakonshëm, është një hap i vogël drejt fazës së katërt: vazhdimësisë.
VAZHDIMËSIA – Në këtë fazë nuk kemi hyrë ende. Argjentinasi edhe kundër Milanit e nisi shkëlqyeshëm, luajti 30 minuta në nivelin më të lartë, pastaj lëshoi disa shkëndija të tjera, përpara se të linte fushën pas pushimit sepse nuk ndihej mirë. Ajo temperaturë gjatë javës nuk e lejoi që të ishte në formën më të mirë fizike në “San Siro”, por sidoqoftë vendimtar. Ka mjaftueshëm gjurmë të lëna nga “La Joya” dhe nga njëri si ky, Juve nuk mund të heqë dorë pasi ai të gjejë vazhdimësinë për 90 minuta. Pastaj, sigurisht, duhet të jetë në fushë disa ndeshje radhazi. Ky është një problem i bukur për Pirlon. Dhe këtë problem mund t’ia zgjidhë edhe problemi muskulor i Moratës, i cili do të mungojë me Sasuolon ndeshjen e tretë radhazi (pas Udinezes dhe Milanit) dhe do të kërkojë të rikthehet kundër Interit.
QËNDRUESHMËRIA – Në dy ndeshjet e 2021-shit, Dibala ka shënuar një gol e ka dhënë 2 asiste, duke konfirmuar se është në rrugën e duhur. Por ka ende çështje që duhen zgjidhur, si pozicioni dhe përputhshmëria. Kulusevski, i cili nuk mund të aktivizohet në të njëjtën kohë, sepse kalon në të njëjtat shina, ndien nevojën për ta gjetur argjentinasin më pranë zonës. Pastaj është çështja “Ronaldo”: vetëm 1 ndeshje nuk mund të bëjë statistikë, por ka mundësi që mbrëmja e vështirë e portugezit të ketë ardhur edhe prej mungesës së Moratës, më funksional në hapjen e hapësirave. Pirlo nuk ka pasur dhe nuk ka shumë kohë për të punuar në stërvitje, por hap pas hapi, duke besuar te përmirësimi i gjendjes fizike, do ta përfshijë përfundimisht Dibalën në projektin teknik. Hipoteza e tredhëmbëshit mbetet e largët, por nga Dibala i vërtetë, me shkëndija më të shpeshta, nuk është e lehtë për të hequr dorë.