Poltronë treshe për titullin, por kujdes Romën

Milani që bie për herë të parë, Interi që del i mundur me Sampin dhe blici i Juventusit në “San Siro” po i japin gjithnjë e më formë situatës së klasifikimit në optikën për titull: duket se po formësohet një poltronë me ngjyrat kuqezi, zikaltër dhe bardhezi. Me kampionët që duhet të rikuperojnë ndeshjen me Napolin dhe Roma-inter e Interjuve në dy javët e ardhshme të kampionatit, shumë shpejt do t’i kemi idetë më të qarta. KATËR TË PARAT – Sepse në këtë diskutim nuk duhet lënë jashtë Roma, që përkundrazi në këtë moment duket se është më mirë, duke qenë në një guaskë që 4 të parat i ndan me vetëm 7 pikë dhe ka të gjitha argumentet e vlefshme për të justifikuar garën për fronin. Dhe merkatoja që përfundon në 1 shkurt mund të dhurojë surpriza që mund të ndikojnë në gjykimet dhe parashikimet. Humbja e parë pas 27 ndeshjesh nuk duhet të sjellë një gjykim të nxituar, duke qenë se Milani mbetet e njëjta skuadër e atyre precedentëve të ndeshjes së “San Siro”-s: objektivi i skuadrës së Piolit është të hyjë në zonën Champions, por në të njëjtën kohë, edhe me 7 mungesa, qëndroi shumë mirë përballë Juves. Por, tani ka nevojë për një ndihmë nga merkatoja: Maldini dhe Masara e dinin që përpara rasteve të reja me Koronavirus, por tani është përforcuar. Megjithatë, organizimi dhe qetësia e kuqezinjve të bëjnë të mendosh se do të qëndrojnë për një kohë të gjatë të mbërthyer në trenin e titullit. Diskutim i ngjashëm edhe për Interin, pavarësisht se është në një situatë të ndryshme nga komshinjtë. Skuadra është më e madhe (edhe pse Konte mendon se është johomogjene), jashtë Europës dhe “gati e dënuar” për të triumfuar në Itali. Humbja në Xhenova erdhi gjatë një dite të keqe, por vetëm një fitore kundër Romës mund të largojë hijet e dyshimit që qarkullojnë ende rreth zikaltërve, dyshime legjitime pas 10 viteve pa trofe, por të pamerituara duke marrë parasysh 8 fitoret radhazi pas të cilave vinin. Ndërsa Juventusi rindezi motorët në “San Siro”, duke konfirmuar se ka individualitetet më të mira dhe nuk dështon në përballjet direkte. Pirlo duhet të gjejë më shumë vazhdimësi loje dhe rezultatesh, pak më e vështirë duke marrë parasysh pengesat e shumta (mes dëmtimeve dhe rasteve pozitive), por më e lehtë duke i hedhur një sy stolit të gjatë. Mbeten ende dyshime për rreziqet e mbrojtjes së rreshtuar shumë poshtë dhe për qarkullimin e topit ndonjëherë të tepruar, por është e pamundur që të mos mendosh që “Zonja” do të jetë atje deri në fund. Pastaj Roma që po gjen zgjidhjet e duhura, meritë e Fonsekës, i cili po fiton të drejtën për të kërkuar përforcime te drejtori i ri sportiv Pinto. Kryeqytetasit duhet të kenë kujdes vetëm veten e tyre. Po gjetën ekuilibrin e duhur, mund ta thonë edhe ata fjalën e tyre.