Zhbllokohet Tirana, ofertë ofertë bomberit bomberit Ibraimi Ibraimi
Bylisi akuzon kampionët për Mëllugjën, Osmani konfirmon Seferin
Tirana merr frymë lir isht. Merkatoja u zh bllokua dhe bardheblutë mund të regjistrojnë lojtarë sa të duan në këtë periudhë transferimesh dimërore. Pas një operacioni urgjent, bardheblutë ia dolën që të bëjnë marrëveshje me skuadrën marokene të Kazablankës dhe të paguajnë një shumë të madhe parash që merkatoja të zhbllokohej. Edhe pse Tirana ende nuk ka saktësuar se për cilin lojtar bëhet fjalë, burime jozyrtare bëjnë me dije se bardheblutë kanë paguar rreth 170 mijë euro (shifër jozyrtare) si pjesë të parë të detyrimit për ekipin që ka fituar gjyqin, Ujadad Kazablanka. Palët kanë rënë dakord dhe pas transferimit të parave është njoftuar FIFA që ka liruar sistemin, që Tirana të regjistrojë lojtarë të rinj. Pesë ditë më parë, Tirana u trondit nga vendimi i FIFA-S për bllokimin e merkatos së janarit të sezonit 2020-2021 për shkak të një detyrimi prej 300 mijë eurosh ndaj ish-lojtarit të bardhebluve Moktar Cise. Tirana bëri me dije se në këtë histori me sulmuesin nga Mali ishte palë e tretë. "KF Tirana njofton se ka zgjidhur përfundimisht çështjen e bllokimit të merkatos. Pas orësh të gjata komunikimi me zyrtarë të FIFA-S bëjmë me dije se dje është hapur sërish mundësia e transferimit të lojtarëve”, shkruante klubi Tirana.
Ashtu siç ishte paralajmëruar, Tirana ka diskutuar me klubin maroken dhe FIFA-N për zgjidhjen e çështjes. Bardheblutë duhet të paraqisnin para FIFA-S mandatin e pagesës dhe marrëveshjen me kundërshtarët. Këtë gjë e bënë menjëherë pas tri ditësh nga njoftimi i bllokimit të merkatos.
- Historia e Cisesë dhe Tiranës është pak e çuditshme. Lojtari nga Mali ishte pronë e Kazablankës. Në mes të 2016-ës, ai nisi një betejë ligjore me ish-klubin e tij, pikërisht para se të vinte te Tirana. Në qershor 2016 ai prish kontratën me klubin e mëparshëm dhe largohet nga Kazablanka, ndërsa çështja mes palëve përfundon në FIFA. Në gusht të 2016-ës ai firmos me Tiranën. Kazablanka bllokon regjistrimin, ndërsa Tirana merr një leje të përkohshme federimi më 13 tetor, por gjyqi mes palëve vazhdon në FIFA. Gjyqi vazhdoi edhe pas largimit të Cisesë nga bardheblutë. Cise fiton gjyqin me Kazablankën (e pakonfirmuar), por kjo e fundit hedh në gjyq Tiranën dhe në 16 gusht të 2019-ës, klubi bardheblu si palë e tretë duhet të paguante dëmshpërblim të majmë më shumë se 200 mijë euro, pasi kishte firmosur me një lojtar që ishte nën kontratë me një skuadër tjetër. Ka edhe një version tjetër, që Cise humb gjyqin dhe FIFA, duke mos ia marrë dot lojtarit shumën e gjobës, ia ka ngarkuar Tiranës detyrimin. Klubi bardheblu apelon vendimin, duke e çuar çështjen në KAS Lozanë. Më datë 7 shtator 2020, KAS Lozana njofton Tiranën se ka refuzuar apelin e klubit shqiptar, duke lënë në fuqi vendimin e FIFA-SË të datës 16 gusht 2019. Vendimi i KAS ka numrin "CAS 2020/A/6744 Tirana FK v. Klubi Athletik Ujadad".