Autoritarizmi në sport
Sporti, që nga fillimet moderne të tij në Angli e pastaj në gjithë botën, është bazuar në funksionimin e tij, në konceptin e shoqatizimit që do të thotë: “Bëjmë sport së bashku - drejtojmë së bashku”. Me gjithë ndryshimet e mëdha që ka pësuar...
Skënderbeu është gati për ndeshjen e radhës në ka mpionat ndaj Kastriotit. Përgatitjet e nisura herët i kanë dhënë kohën e duhur Skënderbeut për të qenë i motivuar sot. Për trajnerin Julian Ahmataj, sfida ndaj Kastriotit është e rëndësishme për t'i dhënë ekipit qasjen e duhur dhe për ta nisur mbarë pjesën e dytë të kampionatit. Me objektivin të qartë, largimin nga fundi i renditjes, të besuarit e trajnerit Ahmataj do të kërkojnë që ta nisin me një rezultat pozitiv në transfertë ndaj Kastriotit. Përpos vështirësisë së këtij takimi dhe kundërshtarit që është i fortë, për korçarët fitorja mbetet objektivi kryesor. "Normalisht bëhet fjalë për një ndeshje të vështirë, ndaj Kastriotit, që është një skuadër e fortë dhe ka bërë paraqitje mjaft të mira në këtë edicion. Ne do të shkojmë atje për të bërë ndeshjen tonë, ku na pret një përballje e fortë. Skënderbeu gjithmonë luan për të marrë maksimumin dhe të njëjtën gjë do të bëjmë edhe këtë javë. Ne do të shkojmë atje dhe do të luftojmë. Djemve u kam kërkuar vazhdimisht këto ditë që të luftojnë siç kanë bërë në fillim të kampionatit. Të kenë shpirt gare, dëshirë për të sakrifikuar dhe për të dhënë maksimumin për këtë fanellë që mbajnë të veshur", u shpreh fillimisht trajneri i Skënderbeut, Julian Ahmataj.
MERKATO - Për sa u përket afrimeve, numri një i pankinës korçare është besimplotë se klubi do të angazhohet sikundër ka bërë që në ditët e para të merkatos për të afruar lojtarë cilësorë, sidomos në prapavijë, atje ku Skënderbeu ka më shumë nevojë. "Merkatoja e janarit është delikate, pasi vështirësia dihet për të gjetur lojtarët e duhur është mjaft e madhe. Por, nga lëvizjet e para klubi po bën maksimumin për të përmbushur kërkesat që kemi ne si staf dhe për të plotësuar domosdoshmëritë që ka ekipi, sidomos në mbrojtje, atje ku dëmtimi i Bicajt e ka çuar akoma më shumë alarmin e prapavijës. Gjithsesi, duket se afrimi i Zguros dhe rikthimi i Shalës në dispozicion duket se i kanë dhënë një tjetër garanci ekipit, për sa i përket prapavijës. Merkatoja tashmë është e hapur dhe duhet të shohim se çfarë mund të bëjmë më mirë për pjesën tjetër të sezonit", përfundoi Ahmataj.