De Laurentis do edhe shtyrjen e Superkupës, De Siervo: Provokim
Seria A i del kundër presidentit të Napolit
Pasi fitoi betejën e tij për rikuperimin e sfidës së kampionatit kundër Juventusit, falë mbështetjes së Komitetit Olimpik Kombëtar Italian, Napoli është përpjekur të ndërhyjë edhe te Superkupa italiane. Aurelio de Laurentis, i fortë nga suksesi përpara Kolegjit të Garancisë së Sportit, ka avancuar propozimin për të mos luajtur sfidën e programuar të mërkurën, më 20 janar gjithmonë kundër bardhezinjve. Arsyeja? Në nivel ekonomik arkëtimet mendohet të jenë më të ulëta krahasuar me të kaluarën, kalendari rezulton që tani i ngjeshur, përtej faktit që në Rexhio Emilia, selia e ndeshjes, ndodhet në një rajon me rrezik të madh COVID-I.
Në detaj, klubet fitojnë “vetëm” 2,6 milionë euro kundër 5,8 milionëve të edicionit 2019 në Arabinë Saudite. Faj i mungesës së publikut dhe i ofertës së paraqitur nga qyteti/vendi pritës. Me “rrezikun” për të paguar edhe një premio lojtarëve nga klubi fitues. Për këtë arsye De Laurentis dëshiron të shtyjë Superkupën për fundin e sezonit, kur situata sanitare të jetë më e mirë dhe të mund të luhet më në siguri, ndoshta me pak publik në shkallët e stadiumit nëse jo jashtë Italisë. Hipoteza, e menduar disa dhjetëra ditë më parë, i është kthyer megjithatë dërguesit nga Liga e Serisë A dhe kështu Juvenapoli, me përjashtim të vendimeve
të orës së fundit, do të luhet rregullisht. Në pritje, më pas, për të kuptuar se kur do të vendoset në kalendar rikuperimi i ndeshjes së tetorit.
DE SIERVO – “Superkupa italiane do të luhet, ishte vetëm një zjarr kashte”. Në këtë mënyrë administratori i deleguar i Serisë A, Luixhi De Siervo, ka komen
tuar zërat lidhur me kërkesën, nga ana e presidentit të Napolit, për të shtyrë sfidën mes Juventusin dhe “axurrëve”, në program më 20 janar. “Ka qenë ky provokim, megjithatë kalendari dhe kampionati janë të shenjtë, bëhet fjalë për angazhime që do të respektohen”, ka nënvizuar ai.