Mesi dhe Grizman, “armiqtë” e betuar të Memfis Depajit

Dy sulmuesit po shkëlqejnë, holandezi është i tepërt

Forcimi i repartit të mesfushës për Barcelonën ishte një nga kërkesat e trajnerit Kuman në merkaton e verës, por edhe në këtë të janarit. Memfis Depaj ishte opsioni i preferuar nga trajneri dhe nga stafi drejtues. Por tani situata ka ndryshuar dhe rendimenti përpara portës kundërshtare i Leo Mesit dhe Antuan Grizmanit ka ndryshuar planet e merkatos. Si argjentinasi ashtu edhe francezi e kanë nisur me këmbën e mbarë vitin 2021 dhe niveli i tyre ka qenë i shkëlqyer. Kapiteni katalanas ka arritur të shënojë 4 gola dy ndaj Atletikos së Bilbaos dhe 2 kundër Granadës, ndërkohë që ish-sulmuesi i bardhekuq e gjeti rrugën e rrjetës dy herë në duelin e fundit të La Ligës. Gjashtë gola në 3 ndeshje nga ana e dy sulmuesve, të cilët janë bërë “armiqtë” e Depajit. Por më shumë sesa ata janë bërë armiqtë në distancë të holandezit, janë bërë armë të forta për skuadrën e Barcelonës. Në një moment kur situata ekonomike nuk premton dhe drejtuesit nuk kanë ndërmend që të bëjnë blerje për Kumanin. Katalanasit janë goditur nga kriza ekonomike për shkak të Koronavirusit dhe si rrjedhojë nuk do të bëjnë afrime në këtë merkato. Një nga problemet është edhe presidenti i ri, i cili nuk dihet se çfarë prioriteti do të ketë për merkaton. Të gjitha bashkë të çojnë në përfundimin se Leo Mesi dhe Antuan Grizman po bëjnë gjithçka mirë dhe Memfis Depaj duhet të presë deri në merkaton e verës për t’u transferuar te Barcelona. Ai vetë është i përgatitur, Lioni gjithashtu dhe në Katalonjë po fillojnë të mësohen me idenë që në këtë merkato nuk do të ketë afrime, të paktën në sulm...

JAVA E 19-të (19-21 janar)